完整藏文原文 · 德格版页 当前仅加载第 7 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་གདུག་པ་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་
D3.007.0160b01.01དུ་གསོལ། བདག་གིས་ཁྱོད་ལ་ཡང་དག་པ་མ་ལགས་པའི་བསྔགས་པ་མ་ལགས་པ་བརྗོད་དོ། །བཱ་རཱ་ཎ་སཱི་ཐམས་ཅད་དུ་ཡང་རབ་ཏུ་བྱུང་བ་དེ་མི་ཤ་མི་ཟའི། འདིས་དེ་ལ་ཡང་དག་པ་མ་ཡིན་པའི་མི་བསྔགས་པ་བརྗོད་དོ་ཞེས་སྒྲ་གྲགས་པར་གྱུར་ཏོ། །རང་སངས་རྒྱས་དེ་
D3.007.0160b02.01གནོད་སྦྱིན་གདུག་པ་དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་གནོད་སྦྱིན་གདུག་པ་དེས་དེའི་ལྷུང་བཟེད་ནས་མིའི་ལག་པ་ས་ལ་བོར་ཏེ་རྐང་པ་གཉིས་ལ་ཕྱག་འཚལ་ནས་སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་
D3.007.0160b03.01ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་པར་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས་འདི་པས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང་ཐུགས་འབྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་ཐོབ་པར་གྱུར་ཅིག་ཅེས་བཏབ་བོ། །དགེ་
D3.007.0160b04.01སློང་དག་དེ་ལ་དེའི་ཚེ་དེའི་དུས་ན་གནོད་སྦྱིན་གདུག་པ་གང་ཡིན་པ་དེ་ནི་ནག་པོ་ཆེན་པོ་འདི་ཡིན་ཏེ། དེས་རང་སངས་རྒྱས་ལ་ཡང་དག་པ་མ་ཡིན་པས་སྐུར་པ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས་ཚེ་རབས་མང་པོ་དག་ཏུ་སེམས་ཅན་དམྱལ་བ་རྣམས་སུ་གདུངས་ནས། ལས་དེ་
D3.007.0160b05.01ཉིད་ཀྱི་ལྷག་མས་ཚེ་རབས་ལྔ་བརྒྱར་ཡང་དག་པ་མ་ཡིན་པས་སྐུར་ནས། ད་ལྟར་དགྲ་བཅོམ་པ་ཐོབ་ཀྱང་ཡང་དག་པ་མ་ཡིན་པས་སྐུར་ཏོ། །མཆོད་པ་བྱས་ནས་སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས་ནི་ངའི་དྲུང་དུ་རབ་ཏུ་བྱུང་ནས། ཉོན་མོངས་པ་ཐམས་ཅད་
D3.007.0160b06.01སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཤིང་། འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །འདི་དུར་ཁྲོད་དེ་ན་གནས་གནས་པ་གང་ཡིན་པ་དེའི་བག་ཆགས་ཀྱིས་ད་ལྟར་ཡང་ཐམས་
D3.007.0160b07.01