完整藏文原文 · 德格版页 当前仅加载第 7 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
ཚལ་དུ་སོང་སྟེ། དགེ་སློང་གི་གན་དུ་སོང་སྟེ་ཕྱིན་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ་བདག་རབ་ཏུ་འབྱུང་གིས་རབ་ཏུ་དབྱུང་དུ་གསོལ། དེས་སྨྲས་པ། བཞིན་{བཟངས་,བཟང་}ཁོ་བོ་རབ་ཏུ་བྱུང་ནས་གསར་བུ་ཡིན་པས་ཁོ་བོས་རབ་ཏུ་འབྱིན་དུ་མི་རུང་ངོ་། །དེས་སྨྲས་པ། འཕགས་
D3.007.0146b01.01པ་བདག་དང་པོ་ཁོ་ནར་ཁྱོད་ཀྱི་གན་དུ་མཆིས་པས། ཁྱོད་ཀྱིས་བདག་དགེ་སློང་འགའ་ཞིག་ལ་གཏད་དུ་གསོལ། དགེ་སློང་དེའི་མཁན་པོ་སྤོང་བ་པ་དགོན་པ་ན་བསམ་གཏན་བྱེད་པ་ཞིག་ཡོད་ནས་དེས་དེ་ཁྲིད་དེ་མཁན་པོའི་གན་དུ་སོང་ནས་སྨྲས་པ། མཁན་པོ་རིགས་ཀྱི་བུ་འདི་ལེགས་པར་
D3.007.0146b02.01གསུངས་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་ན། མཁན་པོ་ཐུགས་བརྩེ་བའི་སླད་དུ་འདི་རབ་ཏུ་དབྱུང་དུ་གསོལ། རྫོགས་པར་བསྙེན་པར་མཛད་དུ་གསོལ། མཁན་པོས་སྨྲས་པ། བུ་བཅོམ་ལྡན་འདས་ཀྱིས་དགེ་སློང་དག་ཤན་པའི་གནས་སུ་གཏང་བ་ནི་བླའི་རབ་ཏུ་ཕྱུང་
D3.007.0146b03.01ཞིང་རྫོགས་པར་བསྙེན་པར་བྱས་ནས་འདོམས་པར་མི་བྱེད། རྗེས་སུ་སྟོན་པར་མི་བྱེད་པ་ནི་མི་རུང་ངོ་ཞེས་བཀའ་སྩལ་ཏོ། །དེས་སྨྲས་པ། མཁན་པོ་རབ་ཏུ་འབྱུང་བ་དང་རྫོགས་པར་བསྙེན་པ་འབའ་ཞིག་མཛོད་ཅིག་དང་། བདག་གིས་འདི་ཀློག་པ་དང་། སློབ་ཏུ་སྩལ་ཏོ། །དགེ་
D3.007.0146b04.01སློང་དེས་དེ་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་ནས་སྨྲས་པ། བཞིན་{བཟངས་,བཟང་}འདི་ཁྱོད་ཀྱི་སློབ་དཔོན་ཡིན་པས་ཀློག་པ་དང་། སློབ་ཏུ་འཇུད་པར་འགྱུར་གྱིས་ཀུན་དུ་སྤྱད་པ་གང་ཡིན་པ་དེ་འདི་ལ་དྲིས་ཏེ་གྱིས་ཤིག །དེས་དེ་ཀློག་པ་དང་། སློབ་ཏུ་འཇུད་པ་ན་རྒན་ཞུགས་དེ་བརྗེད་ངས་
D3.007.0146b05.01པས་ཡང་དང་ཡང་དུ་ལྟུང་བ་འབྱིན་ནས། དེས་དེ་མདུན་དུ་ཙོག་པུར་འདུག་ཏུ་བཅུག་སྟེ་ལྟུང་བ་འཆགས་སུ་འཇུད་པར་བྱེད་དོ། །རྒན་ཞུགས་དེས་བསམས་པ། བདག་གི་སློབ་དཔོན་འདིས་བདག་རྟག་ཏུ་མདུན་དུ་ཙོག་པུར་འདུག་ཏུ་བཅུག་སྟེ་ལྟུང་བ་འཆགས་སུ་འཇུད་པས། བདག་གིས་
D3.007.0146b06.01ཀྱང་འདི་མདུན་དུ་ཙོག་པུར་འདུག་ཏུ་བཅུག་སྟེ་ལྟུང་བ་འཆགས་སུ་གཞུག་པའི་ཐབས་ཅི་ཡོད་སྙམ་མོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་གཤེགས་ཏེ། བཅོམ་
D3.007.0146b07.01