完整藏文原文 · 德格版页 当前仅加载第 7 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་འཚོ་བྱེད་གཞོན་ནུས་གསོས་ཀྱིས་བསམས་པ་འདི་ལྟར་བདག་གིས་བཅོམ་ལྡན་འདས་ཀྱི་བཀས་བོད་པར་ནི་བྱ་མོད་ཀྱི་དེ་ལ་གུས་པར་བྱས་ཏེ་བྲིམ་པར་ནི་མི་བྱའོ་སྙམ་ནས་དེས་མངག་པ་བཏང་སྟེ་སོང་ལ་དེ་བོས་ཤིག་ཅེས་བསྒོའོ། །ཚེ་དང་ལྡན་པ་ལམ་པ་ཡང་
D3.007.0082a01.01འདི་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཇི་ལྟར་སེམས་མཉམ་པར་བཞག་ན་དགེ་སློང་སྟོང་ཉིས་བརྒྱ་ལྔ་བཅུ་སྤྲུལ་ཏེ་འདུག་གོ། །མངག་པ་དེ་སོང་སྟེ་ལམ་པ་ལམ་པ་ཞེས་བོས་པ་དང་། དགེ་སློང་དུ་མ་དག་གིས་ཨང་ཞེས་ལན་བཏབ་བོ། །མི་དེ་འོངས་ཏེ་འཚོ་བྱེད་གཞོན་
D3.007.0082a02.01ནུས་གསོས་ལ་སྨྲས་པ། བདག་དེར་མཆིས་ཏེ་ལམ་པ་ལམ་པ་ཞེས་བོས་ན་འོད་མའི་ཚལ་ཀ་ལན་ད་ཀའི་གནས་ན་སྔར་དགེ་སློང་དག་གིས་གང་ཞིང་འཁོད་པ་དེ་ཁོ་ན་བཞིན་དུ་དགེ་སློང་དག་གིས་གང་ཞིང་འཁོད་ནས་དགེ་སློང་དུ་མ་དག་གིས་ཨང་ཞེས་ལན་བཏབ་ན་དེ་དག་ལས་གང་བོད།
D3.007.0082a03.01འཚོ་བྱེད་གཞོན་ནུས་གསོས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སོང་ཤིག་སོང་ལ་ལམ་པ་ཡང་དག་པ་གང་ཡིན་པ་དེ་ཤོག་ཤིག་ཅེས་གྱིས་ཤིག །དེ་སོང་སྟེ་སྨྲས་པ། ལམ་པ་ཡང་དག་པ་གང་ལགས་པ་དེ་གཤེགས་
D3.007.0082a04.01སུ་གསོལ། དེ་ནས་ཚེ་དང་ལྡན་པ་ལམ་པས་རྫུ་འཕྲུལ་མངོན་པར་འདུ་བྱ་བ་དེ་ཕྱིར་བསྡུས་ནས་དེར་སོང་སྟེ་རང་གི་བྱུག་རིས་སུ་འདུག་པ་དང་། འཚོ་བྱེད་གཞོན་ནུས་གསོས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བྲིམ་པར་བརྩམས་ནས་ཚེ་དང་ལྡན་པ་ལམ་པ་ལ་གུས་
D3.007.0082a05.01པར་མ་བྱས་པར་བྲིམས་སོ། །བཅོམ་ལྡན་འདས་ཀྱིས་དགོངས་པ། ཉན་ཐོས་ཆེན་པོ་རི་རབ་དང་འདྲ་བ་ལ་འཚོ་བྱེད་གཞོན་ནུས་གསོས་ཀྱིས་སྨྲས་པ་ལེན་པར་བྱེད་ཀྱིས། འདིའི་ཡོན་ཏན་བསྒྲག་པར་བྱའོ་སྙམ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་ལྷུང་བཟེད་ལེན་པ་ཡིན་ན་
D3.007.0082a06.01བཅོམ་ལྡན་འདས་ཀྱིས་དེ་ལ་མ་སྩལ་ཏོ། །ཆོས་ཉིད་ཀྱིས་ན་ཇི་སྲིད་དུ་བཅོམ་ལྡན་འདས་ཀྱིས་ལྷུང་བཟེད་བླང་བར་མ་གྱུར་གྱི་བར་དུ་དགེ་སློང་གནས་བརྟན་གནས་བརྟན་དག་གི་ལྷུང་བཟེད་དག་ལེན་པར་མི་བྱེད་དོ། །ཚེ་དང་ལྡན་པ་ལམ་པས་བསམས་པ། ཅིའི་ཕྱིར་བཅོམ་ལྡན་འདས་དང་
D3.007.0082a07.01