完整藏文原文 · 德格版页 当前仅加载第 7 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་རྫོགས་སངས་བསྟན་པ་ཡི། །དམ་ཆོས་ཀུན་ཤེས་བྱ་མི་ནུས། །གང་གིས་ཉེས་རྩོམ་བརྟུལ་བྱས་ཤིང་། །རབ་དང་མེད་པའི་སེམས་བསལ་ཏེ། །ཀུན་ནས་མནར་སེམས་འདིར་སྤོང་བ། །དེས་ནི་ལེགས་གསུང་ཤེས་པར་འགྱུར། །རྒྱལ་པོས་བསམས་པ། ཁྱིམ་བདག་འདི་
D3.007.0222b01.01གཉིས་ལ་བརྟེན་ནས་བཅོམ་ལྡན་འདས་ཀྱིས་ཆོས་མཉན་པ་ཡང་རྒྱུན་དགུམ་མོ་སྙམ་མོ། །དེ་ནས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ནས་དེས་འོད་མའི་ཚལ་ནས་
D3.007.0222b02.01ཕྱིར་བྱུང་བ་ན་ཞོ་ཤས་འཚོ་བ་རྣམས་ལ་བསྒོ་བ། གང་གི་ཚེ་ཁྱིམ་བདག་འདི་གཉིས་བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་བར་གྱུར་པ་དེའི་ཚེ་ན་འདི་སྐད་ཅེས་རྒྱལ་པོའི་ཞལ་ནས་ཁྱེད་གཉིས་ངའི་ཡུལ་ན་མ་འདུག་ཤིག་ཅེས་བྱུང་ངོ་ཞེས་གྱིས་ཤིག་ཅེས་སྨྲས་ཏེ་རྒྱལ་པོ་སོང་ངོ་། །ཞོ་ཤས་འཚོ་བ་དག་
D3.007.0222b03.01གིས། ལྷ་བཀའ་བཞིན་འཚལ་ཞེས་རྒྱལ་པོ་ལས་མཉན་ནས་དེ་ཉིད་དུ་བསྡད་པ་དང་། ཀླུའི་རྒྱལ་པོ་རི་བོ་དང་། ཡིད་འོང་གཉིས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་ནས། དེ་གཉིས་འོད་མའི་ཚལ་ནས་ཕྱིར་བྱུང་བ་ན་རྒྱལ་པོའི་ཞོ་
D3.007.0222b04.01ཤས་འཚོ་བ་དག་གིས་སྨྲས་པ། ཁྱིམ་བདག་གཉིས་རྒྱལ་པོའི་ཞལ་ནས་ཁྱོད་གཉིས་ངའི་ཡུལ་ན་མ་འདུག་ཅིག་ཅེས་བྱུང་ངོ་། །དེ་སྐད་ཅེས་སྨྲས་པ་དང་། ཀླུའི་རྒྱལ་པོ་རི་བོ་དང་། ཡིད་འོང་གཉིས་ཀྱིས་བསམས་པ། བདག་ཅག་གཉིས་ཡུན་རིང་པོ་ནས་སྨོན་པ་གང་ཡིན་པ་དེ་ཚེགས་
D3.007.0222b05.01ཆུང་ངུས་གྲུབ་བོ་སྙམ་དུ་རིག་ནས་དེ་ཉིད་དུ་ཆུའི་འོད་པ་ཆེན་པོ་ཀུན་དུ་རབ་ཏུ་བསྐྱེད་ནས། ངམ་གྲོག་ཆུང་ངུ་དག་ཏུ་ཞུགས་སོ། །ངམ་གྲོག་ཆུང་ངུ་དག་ནས་ངམ་གྲོག་ཆེན་པོ་དག་ཏུ་ཞུགས་སོ། །ངམ་གྲོག་ཆེན་པོ་དག་ནས་ཆུ་ཀླུང་ཆུང་ངུ་དག་ཏུ་ཞུགས་སོ། །ཆུ་ཀླུང་ཆུང་ངུ་དག་ནས་ཆུ་ཀླུང་ཆེན་པོ་
D3.007.0222b06.01དག་ཏུ་ཞུགས་སོ། །ཆུ་ཀླུང་ཆེན་པོ་དག་ནས་རྒྱ་མཚོ་ཆེན་པོར་ཞུགས་ཏེ། གང་གི་ཚེ་དེ་གཉིས་རྒྱ་མཚོ་ཆེན་པོར་ཞུགས་པ་དེའི་ཚེ་ན་ལུས་དང་ལོངས་སྤྱོད་དག་གིས་ཆོས་ཤིན་ཏུ་མངོན་པར་མཐོ་བར་གྱུར་ཏོ། །གང་གི་ཚེ་དེ་གཉིས་རྒྱ་མཚོ་ཆེན་པོར་ཞུགས་པ་དེའི་ཚེ་ན་རྒྱལ་པོའི་ཁབ་ཀྱི་ཆུ་དྲོན་ལྔ་བརྒྱ་
D3.007.0222b07.01