完整藏文原文 · 德格版页 当前仅加载第 7 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་སུ་དང་། ལུས་དང་འབྲེལ་བས་ལུས་སུ་དང་། ལུས་ཀྱིས་ལུས་དང་འབྲེལ་བར་དང་། ལུས་དང་འབྲེལ་བས་ལུས་དང་འབྲེལ་བར་དང་། གཞག་པའི་ཆོ་ག་ཉིད་ནི་ལྔ་པའོ། །ཇི་ལྟར་ལུས་ཀྱིས་ལུས་སུ་ཞེ་ན། ལུས་ཀྱིས་སྦྱིན་པར་བྱེད་ཅིང་ལུས་སུ་ལེན་པར་བྱེད་པ་སྟེ། དེ་
D3.007.0156b01.01ལྟར་ལུས་ཀྱིས་ལུས་སུའོ། །ཇི་ལྟར་ལུས་དང་འབྲེལ་བས་ལུས་སུ་ཞེ་ན། ལྷུང་བཟེད་ཀྱིས་སྦྱིན་པར་བྱེད་ཅིང་ལུས་སུ་ལེན་པར་བྱེད་པ་སྟེ། དེ་ལྟར་ལུས་དང་འབྲེལ་བས་ལུས་སུའོ། །ཇི་ལྟར་ལུས་ཀྱིས་ལུས་དང་འབྲེལ་བར་ཞེ་ན། ལུས་ཀྱིས་སྦྱིན་པར་བྱེད་ཅིང་ལྷུང་བཟེད་དུ་ལེན་པར་
D3.007.0156b02.01བྱེད་པ་སྟེ། དེ་ལྟར་ལུས་ཀྱིས་ལུས་དང་འབྲེལ་བར་རོ། །ཇི་ལྟར་ལུས་དང་འབྲེལ་བས་ལུས་དང་འབྲེལ་པར་ཞེ་ན། ལྷུང་བཟེད་ཀྱིས་སྦྱིན་པར་བྱེད་ཅིང་ལྷུང་བཟེད་དུ་ལེན་པར་བྱེད་པ་སྟེ། དེ་ལྟར་ལུས་དང་འབྲེལ་བས་ལུས་དང་འབྲེལ་བར་རོ། །ཇི་ལྟར་གཞག་པའི་ཆོ་ག་ཉིད་ནི་ལྔ་པ་ཡིན་
D3.007.0156b03.01ཞེ་ན། དགེ་སློང་དག་སྨད་པ་ཞེས་བྱ་བའི་ཡུལ་གྱི་མི་དག་ཡོད་དེ། དེ་དག་མ་ཡང་སྨོད་པར་བྱེད། ཕ་ཡང་སྨོད་པར་བྱེད། ཕུ་ནུ་དང་བུ་སྲིང་ཡང་སྨོད་པར་བྱེད་དེ། དགེ་སློང་གང་དེར་འགྲོ་བ་དེས་དཀྱིལ་འཁོར་བྱས་ཏེ་འདིར་ཞོག་ཤིག་ཅེས་བརྗོད་པར་བྱ་ཞིང་། དེ་དག་གིས་དེར་གང་
D3.007.0156b04.01བཞག་པ་དེ་བྱིན་ལེན་བྱེད་པར་བརྗོད་པར་བྱ་ཞིང་། བྱང་གི་སྒྲ་མི་སྙན་གྱི་དུས་བྱིན་གྱིས་བརླབས་ཏེ་བཟའ་བར་བྱ་ཞིང་འདི་ལ་འགྱོད་པར་མི་བྱ་སྟེ། དེ་ལྟར་གཞག་པའི་ཆོ་ག་ཉིད་ནི་ལྔ་པ་ཡིན་ནོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་རྣམས་ལ་ཤིང་ཏོག་དག་འབུལ་བར་
D3.007.0156b05.01བྱེད་པ་ན་དགེ་སློང་རྣམས་དེ་དག་མི་ལེན་ནས་དེ་དག་གིས་སྨྲས་པ། འཕགས་པ་དག་གང་གི་ཚེ་བཅོམ་ལྡན་འདས་འཇིག་རྟེན་དུ་མ་གཤེགས་པ་དེའི་ཚེ་ན་ནི་གཞན་མུ་སྟེགས་ཅན་དག་སྦྱིན་གནས་ལགས་མོད། ད་ནི་བཅོམ་ལྡན་འདས་འཇིག་རྟེན་དུ་གཤེགས་པས་ཁྱེད་ཅག་སྦྱིན་གནས་
D3.007.0156b06.01ལགས་ན། གལ་ཏེ་ཁྱེད་ཅག་མི་བཞེས་ན་ཅི་བདག་ཅག་དགེ་བའི་ཤུལ་རྒྱགས་དང་བྲལ་བ་དག་གིས་འཇིག་རྟེན་འདི་ནས་འཇིག་རྟེན་ཕ་རོལ་དུ་མཆི་བར་བགྱིའམ། བཞེས་ཤིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D3.007.0156b07.01