完整藏文原文 · 德格版页 当前仅加载第 7 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་བརྙས་པ་དང་། དེས་དེ་ལ་བསྟི་གནས་ཕུལ་ཏེ་སྟན་བཤམས་ནས་འདིར་བཞུགས་ཤིག་ཅེས་སྨྲས་སོ། །དེ་དེར་འདུག་པ་དང་དེས་དེའི་རྐང་པ་བཀྲུ་བའི་ཆུ་ཁྱེར་ཏེ་འོངས་ནས་སྨྲས་པ། འཕགས་པ་ཞབས་བཀྲུ་བར་བགྱིའོ། །ཚེ་དང་ལྡན་པ་མ་འགགས་པས་སྨྲས་པ། ཁོ་
D3.007.0259b01.01བོ་ནི་བུད་མེད་ཀྱིས་རྐང་པ་མི་འཁྲུའོ། །དེས་བསམས་པ། རབ་ཏུ་བྱུང་བ་དག་ལ་འདི་ལྟ་བུའི་བརྟུལ་ཞུགས་ཡང་དག་པར་བླངས་པ་ཡོད་དོ་སྙམ་ནས་དེས་དེའི་རྐང་པ་བསྐུ་བ་ཁྱེར་ཏེ་འོངས་ནས་སྨྲས་པ། འཕགས་པ་ཞབས་བསྐུ་བར་བགྱིའོ། །ཚེ་དང་ལྡན་པ་མ་འགགས་པས་
D3.007.0259b02.01སྨྲས་པ། ཁོ་བོ་ནི་བུད་མེད་ཀྱིས་རྐང་པ་མི་སྐུད་དོ། །དེས་བསམས་པ། རབ་ཏུ་བྱུང་བ་དག་ལ་འདི་ལྟ་བུའི་བརྟུལ་ཞུགས་ཡང་དག་པར་བླངས་པ་ཡོད་དོ་སྙམ་ནས། དེས་ཟན་ཁྱེར་ཏེ་འོངས་ནས་སྨྲས་པ། འཕགས་པ་བཤོས་གསོལ་ཅིག །ཚེ་དང་ལྡན་པ་མ་འགགས་
D3.007.0259b03.01པས་སྨྲས་པ། ཁོ་བོ་ནི་དུས་མ་ཡིན་པར་མི་ཟའོ། །དེས་བསམས་པ། རབ་ཏུ་བྱུང་བ་དག་ལ་བརྟུལ་ཞུགས་འདི་ལྟ་བུ་ཡང་དག་པར་བླངས་པ་ཡོད་དོ་སྙམ་ནས། དེས་དེའི་མལ་བཤམས་པ་དང་། ཚེ་དང་ལྡན་པ་མ་འགགས་པ་མལ་དེར་སྐྱིལ་མོ་ཀྲུང་བཅས་ནས་ལུས་
D3.007.0259b04.01དྲང་པོར་བསྲང་སྟེ་དྲན་པ་མངོན་དུ་ཕྱོགས་པར་བཞག་ནས་འདུག་གོ། །དེ་དེའི་གན་དུ་འོངས་ཏེ། བུད་མེད་ཀྱི་གཡོ་དག་དང་། བུད་མེད་ཀྱི་གྱ་གྱུ་དག་དང་། བུད་མེད་ཀྱི་ཡ་ཡོ་དག་དང་། བུད་མེད་ཀྱི་སྒྱུ་གང་དག་ཡིན་པ་དེ་དག་ཉེ་བར་བསྟན་པར་བརྩམས་པ་དང་། ཚེ་དང་
D3.007.0259b05.01ལྡན་པ་མ་འགགས་པ་དབང་པོ་དག་འབེབས་པར་བྱེད་དོ། །དེས་བསམས་པ། འདི་ཆད་པས་རེ་ཞིག་ཉལ་དུ་བཅུག་སྟེ་ནམ་ཕྱེད་ན་འགྲོ་བར་བྱའོ་སྙམ་ནས། དེ་ནམ་ཕྱེད་ན་སོང་སྟེ་དེ་བཞིན་དུ་བུད་མེད་ཀྱི་གཡོ་དག་དང་། བུད་མེད་ཀྱི་གྱ་གྱུ་དག་དང་། བུད་མེད་ཀྱི་ཡ་ཡོ་དག་དང་།
D3.007.0259b06.01བུད་མེད་ཀྱི་སྒྱུ་གང་དག་ཡིན་པ་དེ་དག་བསྟན་པར་བརྩམས་པ་དང་། ཚེ་དང་ལྡན་པ་མ་འགགས་པ་དབང་པོ་དག་འབབས་པར་བྱེད་དོ། །དེས་བསམས་པ། སྐྱེས་བུ་འདི་ལྟ་བུ་དང་ནི་ཤིན་ཏུ་ཐག་རིང་དུ་སོང་ཡང་ལྷན་ཅིག་དགའ་མགུར་སྤྱད་པར་བྱ་བ་ཡིན་ན་གང་གིས་འདི་བདག་གི་
D3.007.0259b07.01