完整藏文原文 · 德格版页 当前仅加载第 7 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲམ་ན་རྩེ་ཞིང་འདུག་པ་མཐོང་ངོ་། །མཐོང་ནས་ཀྱང་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་སྨྲས་པ། སློབ་མ་རྣམས་ཀྱི་འབྱོར་པ་ལ་གཟིགས། ཚེ་དང་ལྡན་པ་མཽད་གལ་གྱི་བུ་ཆེན་པོས་སྨྲས་པ། བདག་གི་མཆིད་མི་ཉན་པས་བདག་གིས་ཇི་ལྟར་བགྱི།
D3.007.0273a01.01ཚེ་དང་ལྡན་པ་མཽད་གལ་གྱི་བུ་ཆེན་པོས་བཅུ་བདུན་སྡེ་དག་ལ་སྨྲས་པ། གཞོན་ནུ་དག་གདུགས་ཚོད་ཡོལ་ན་མི་རུང་གིས་ཆུ་རྒོལ་ཅིག་དང་འདོང་ངོ་། །དེ་དག་གིས་སྨྲས་པ། མཁན་པོ་དྲུག་སྡེ་དག་གིས་བདག་ཅག་གི་རད་པ་དག་སྦས་སོ། །ཚེ་དང་ལྡན་པ་མཽད་གལ་གྱི་བུ་
D3.007.0273a02.01ཆེན་པོས་ཅི་ཁྱེར་ཏེ་དོང་ངམ་འོན་ཏེ་འདི་ཉིད་དུ་སྦས་ཏེ་བཞག་སྙམ་དུ་བསམས་ན། དེས་ཇི་ཙམ་ན་དེ་ཉིད་དུ་སྦས་ཏེ་བཞག་པར་མཐོང་ནས་དེས་བླངས་ཏེ་དེ་དག་ལ་བྱིན་ནོ། །བཅུ་བདུན་སྡེ་དག་གོས་དག་གྱོན་ཏེ་དེར་དོང་བ་དང་། ཚེ་དང་ལྡན་པ་ཤཱ་རིའི་བུ་དང་། མཽད་གལ་
D3.007.0273a03.01གྱི་བུ་གཉིས་ཀྱིས་དགེ་སློང་དག་བཤུགས་པ་ན་བཅུ་བདུན་སྡེ་དག་ཀྱང་དགེ་སློང་དག་འཆུགས་པར་བྱེད་ནས། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་ནི་གདུལ་བའི་བྱ་བ་བྱས་ཏེ་འོངས་པ་
D3.007.0273a04.01ཡིན་པས་དེ་གཉིས་ཀྱིས་རེ་ཞིག་དགེ་སློང་དག་བཤུགས་པ་ནི་རིགས་ཀྱི། ཁྱེད་ཅག་གིས་ཅི་ཞིག་བྱས་ན་ད་འདིར་ལྷགས་ཏེ་དགེ་སློང་དག་འཆུགས་པར་བྱེད། དེ་དག་གིས་སྨྲས་པ། ཚེ་དང་ལྡན་པ་དག་གལ་ཏེ་ཁོ་བོ་ཅག་ལ་མཁན་པོས་མ་དགོངས་སུ་ཟིན་ན་ཁོ་བོ་ཅག་གིས་
D3.007.0273a05.01ཟན་གཅད་པར་བྱས་པར་འགྱུར་རོ། །ཅིའི་ཕྱིར། དེ་དག་གིས་སྐབས་དེ་རྒྱས་པར་བརྗོད་པ་དང་། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་གི་གོས་དག་སྦེད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་
D3.007.0273a06.01རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་
D3.007.0273a07.01