完整藏文原文 · 德格版页 当前仅加载第 7 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་ལམ། བྲམ་ཟེ་དེས་བསམས་པ། ཅིའི་ཕྱིར་འདི་དག་གིས་བདག་ལ་ཕོ་ཤའི་ཁུ་ཤ་ལྡུད་པར་འགྱུར་ཏེ། དུག་ཅུང་ཞིག་སྦྱིན་འདོད་གོར་མ་ཆག་སྙམ་ནས། དེས་བསམས་པ། ཇི་ལྟར་ཤི་ཡང་བླས་བཏུང་ངོ་སྙམ་ནས་དེ་དག་གིས་དེ་ལ་སྦྲུལ་གྱི་
D3.007.0075a01.01ཕོ་ཤའི་ཁུ་ཤ་བླུད་ནས་དེས་དེ་འཐུངས་པ་དང་། དེའི་རླངས་པས་ལིང་ཐོག་ཕྱིད་ནས་བྲམ་ཟེ་དེས་མིག་མཐོང་བར་གྱུར་ཏོ། །དེས་བསམས་པ། ཅི་ནས་ཀྱང་རྣོན་དུ་གཞུག་པའི་ཐབས་བྱའོ་སྙམ་ནས་དེས་ས་ལ་བསྒྱེལ་ཏེ་ཉལ་ནས་སྨྲས་པ། ཁོ་བོ་ཤི་ལ་ཐུག་གོ་ཁོ་བོ་ཤི་
D3.007.0075a02.01ལ་ཐུག་གོ་དེ་དག་གིས་བསམས་པ། མྱུར་དུ་ཤི་བར་གྱུར་ཅིག་སྙམ་ནས་སྨྲས་པ། ཡབ་ཡང་གསོལ་ཅིག་དང་ཁྱོད་སོས་པར་འགྱུར་རོ། །དེས་སྨྲས་པ། བཏུང་ངོ་དེ་དག་གིས་དེ་ལ་ཡང་སྦྲུལ་གྱི་ཕོ་ཤའི་ཁུ་ཤ་བླུད་ནས་དེས་ཡང་འཐུངས་པ་དང་། དེའི་རླངས་པས་དེའི་
D3.007.0075a03.01ལིང་ཐོག་རྒྱ་ཆེར་ཕྱིད་དོ། །དེའི་མིག་གིས་སྔ་མ་བཞིན་གསལ་བར་མཐོང་ནས་དེ་ཅང་མི་སྨྲ་བར་འདུག་གོ། །མནའ་མ་དེ་དག་སྔོན་བྲམ་ཟེ་མདོངས་པར་གྱུར་པའི་གནས་སྐབས་ན་དེ་ཁྱད་དུ་བསད་དེ་བག་མེད་པར་སྤྱོད་པ་དེ་བཞིན་དུ་ཡང་སྤྱད་པར་བརྩམས་པ་དང་། བྲམ་ཟེ་དེ་
D3.007.0075a04.01དབྱུག་པ་ཐོགས་ཏེ་ལངས་ནས་སྨྲས་པ། ཁྱེད་ཇི་སྙམ་དུ་སེམས། ད་ལྟར་ཁོ་བོ་མི་མཐོང་སྙམ་མམ། ད་ཁོ་བོའི་མིག་སྦྲུལ་གྱི་ཕོ་ཤའི་ཁུ་ཤའི་རླངས་པས་ཕོག་པས་ལིང་ཐོག་ཐམས་ཅད་ཕྱིད་དེ་སྔོན་གྱི་གནས་སྐབས་བཞིན་དུ་ཐམས་ཅད་གསལ་བར་མཐོང་གིས་བུ་མོ་དག་ཕྱིན་
D3.007.0075a05.01ཆད་བག་ཡོད་པར་སྤྱོད་ཅིག །དགེ་སློང་དག་དེའི་ཚེ་དེའི་དུས་ན་བྲམ་ཟེ་གང་ཡིན་པ་དེ་ནི་ལམ་པ་འདི་ཉིད་ཡིན་ནོ། །དེའི་ཚེ་དེའི་དུས་ན་མནའ་མ་བཅུ་གཉིས་པོ་གང་ཡིན་པ་དེ་ནི་དགེ་སློང་མ་བཅུ་གཉིས་སྡེ་འདི་དག་ཡིན་ཏེ། དེའི་ཚེ་ན་ཡང་འདི་དག་གིས་དེ་ལ་གནོད་པ་བྱའོ་
D3.007.0075a06.01སྙམ་པ་ལས་ཕན་པ་ཉིད་བྱས་པར་གྱུར་ཏོ། །ཡང་སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཚེ་དང་ལྡན་པ་ལམ་པ་གདམས་ངག་ཅུང་ཞིག་གིས་གདམས་པ་མཛད་པས་འཁོར་བའི་དགོན་པ་ནས་ཕྱུང་སྟེ་ཤིན་ཏུ་
D3.007.0075a07.01