完整藏文原文 · 德格版页 当前仅加载第 7 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
མནོད་པར་བྱའོ། །དེ་དག་ལངས་ཤིང་ལངས་ཤིང་རབ་ཏུ་མང་པོ་དག་གི་སྐལ་བ་དག་བྱིན་ལེན་བྱེད་དུ་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། སྟན་ལས་མ་འཕགས་པས་ཇི་ཙམ་ནུས་པ་དེ་ཙམ་དག་བྱིན་ལེན་བྱེད་དུ་གཞུག་གོ། །འབྲིམ་པ་ན་དེ་དག་ཡང་བྱིན་ལེན་
D3.007.0157b01.01བྱེད་དུ་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། སྟན་ལས་མ་འཕགས་པས་གང་དག་ལེན་ནུས་པ་དེ་དག་ནི་བྱིན་ལེན་བྱེད་དུ་བཅུག་ཟིན་པར་བརྗོད་པར་བྱའོ། །སྟན་ལས་མ་འཕགས་པས་གང་དག་ལེན་མི་ནུས་པ་དེ་དག་ནི་ཡང་བྱིན་ལེན་བྱེད་དུ་གཞུག་པར་བྱའོ། །ཁྱིམ་
D3.007.0157b02.01བདག་ན་རེ་འཕགས་པ་དག་བདག་ཅག་གིས་ཀྱང་བྲིམ་པར་བགྱིའོ་ཞེས་ཟེར་བ་ན་དགེ་སློང་དག་མི་བཏུབ་ནས་བཅོམ་ལྡན་འདས་ཀྱིས་བཀའ་སྩལ་པ། འབྲིམ་དུ་གཞུག་པར་བྱའོ། །དེ་དག་དང་པོར་འཛིན་ཅིང་དགེ་སློང་དག་ཕྱིས་འཛིན་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་
D3.007.0157b03.01སློང་དག་གིས་དང་པོར་གཟུང་བར་བྱ་ཞིང་། ཕྱིས་ཁྱིམ་བདག་གིས་གཟུང་བར་བྱའོ། །དགེ་སློང་རྣམས་དགེ་སློང་དག་ལས་བླངས་པ་གང་དག་ཡིན་པ་དེ་དག་ཡང་བྱིན་ལེན་བྱེད་དུ་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལས་བླངས་པ་གང་དག་ཡིན་པ་དེ་
D3.007.0157b04.01དག་གི་བྱིན་ལེན་ནི་དེ་ཉིད་ཡིན་ནོ། །ཁྱིམ་པ་དག་ལས་བླངས་པ་གང་དག་ཡིན་པ་དེ་དག་ནི་བྱིན་ལེན་བྱེད་དུ་གཞུག་གོ། །གཏོང་བ་ན་དང་པོར་ཁྱིམ་པ་དག་གིས་གཏོང་ཞིང་ཕྱིས་དགེ་སློང་དག་གིས་གཏོང་བར་བྱེད་ནས། དགེ་སློང་རྣམས་དེ་དག་གསོག་འཇོག་བྱས་པ་ཡིན་ནོ་ཞེས་
D3.007.0157b05.01འདོར་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དང་པོར་དགེ་སློང་དག་གིས་གཏང་བར་བྱ་ཞིང་ཕྱིས་ཁྱིམ་པ་དག་གིས་གཏང་བར་བྱ་སྟེ། ཕྱི་དེ་ཉིན་པར་དགེ་འདུན་ལ་བྲིམ་པར་བྱའོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་འདུན་ལ་ཞུན་མར་གྱི་བུམ་པ་དང་།
D3.007.0157b06.01འབྲུ་མར་གྱི་བུམ་པ་དང་། སྦྲང་རྩིའི་བུམ་པ་དང་། བུ་རམ་གྱི་དབུ་བའི་བུམ་པ་དག་འབུལ་བ་ན་དགེ་སློང་དག་མི་ལེན་ནས་བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་དགེ་འདུན་ལ་བྲིམ་པར་བྱའོ། །དེ་དག་གིས་ཆོས་གོས་དག་སྣུམས་པར་གྱུར་ནས་བཅོམ་
D3.007.0157b07.01