完整藏文原文 · 德格版页 当前仅加载第 7 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
རྐེད་པ་དག་དང་། བརླ་དག་དང་། རྐང་པ་དག་མཛེས་པ་ལ་ལྟོས་ཤིག་ལྟོས་ཤིག །བུད་མེད་དེ་ངོ་ཚ་ནས་གནས་ཁང་དུ་ཞུགས་ཏེ་འདུག་གོ། །ཁྱིམ་བདག་དེ་ཡང་རི་བྲགས་དེ་ནས་འོངས་ནས་དེས་ནང་མི་ལ་དྲིས་པ། ཁྱོད་ཀྱིས་སྦྱིན་གནས་དག་བྱོན་ནས་དེ་བཞིན་དུ་
D3.007.0130a01.01གསོལ་ཏམ། དེས་སྨྲས་པ། འདི་འདྲ་བའི་སྦྱིན་གནས་དག་ནི་འགའ་ཡང་མ་མཆིས་ཀྱང་མི་དངོའོ། །བདག་གིས་དྭ་དག་དང་རོལ་མོ་མཁན་དག་དང་། ནལ་གྱི་བུ་དག་ལས་ཀྱང་སྔོན་ལན་འགའ་ཡང་མ་ཐོས་པའི་ཚིག་དག་ཁྱོད་ཀྱི་སྦྱིན་གནས་དག་ལས་ཐོས་སོ། །ཁྱིམ་བདག་དེས་
D3.007.0130a02.01བསམས་པ། བུད་མེད་ཀྱི་ཡུལ་དག་ནི་སྐྱེས་པ་ལ་སེམས་པ་ཡིན་པས་གཅེར་བུ་པ་སྒྲེན་མོ་དག་ཞུགས་པ། དེ་དག་མཐོང་བ་ན་ཆགས་པར་འགྱུར་གྱི། བཅོམ་ལྡན་འདས་ཀྱི་ཉན་ཐོས་ཤམ་ཐབས་ལེགས་པར་བགོས་པ། ཆོས་གོས་ལེགས་པར་བགོས་པ་དེ་དག་ལ་འདི་མི་དགའོ་
D3.007.0130a03.01སྙམ་ནས་དེས་དེ་ལ་སྨྲས་པ། ཁྱོད་གཅེར་བུ་པ་སྒྲེན་མོ་དག་ལ་དགའི། བཅོམ་ལྡན་འདས་ཀྱི་ཉན་ཐོས་ཤམ་ཐབས་ལེགས་པར་བགོས་པ། ཆོས་གོས་ལེགས་པར་བགོས་པ་དག་ལ་ཁྱོད་དགའ་བར་ག་ལ་འགྱུར། ཆུང་མས་སྨྲས་པ། རྗེའི་སྲས་གལ་ཏེ་ཁྱོད་བདག་ལ་ཐུགས་
D3.007.0130a04.01མི་ཆེས་ན་བདག་གིས་ཁྱོད་ཀྱི་མངོན་སུམ་དུ་འགྱུར་བར་བགྱིའོ། །ཁྱིམ་བདག་གིས་བསམས་པ། ཇེ་བགམ་པར་བྱའོ་སྙམ་ནས་དེ་ཉི་མ་ཉུང་ཤས་ཤིག་འདུག་ནས་དྲུག་སྡེ་དག་ལ་སྨྲས་པ། འཕགས་པ་དག་ཡང་བདག་ལ་རི་བྲགས་དེར་བགྱི་བ་ཅུང་ཞིག་བྱུང་སྟེ། བདག་དེར་
D3.007.0130a05.01མཆི་ཡིས། ཁྱེད་ཅག་བདག་གི་སྡུམ་པ་ན་ཇི་ལྟར་གསོལ་བ་དེ་བཞིན་དུ་བདག་སླར་མཆིས་ཀྱི་བར་དུ་གསོལ་ཅིག །དྲུག་སྡེ་དག་གིས་སྨྲས་པ། དེ་ལྟར་བྱའོ། །ཁྱིམ་བདག་དེ་ཡང་གནས་ཁང་དུ་ཞུགས་ཏེ་འདུག་པ་དང་། དྲུག་སྡེ་དག་ཀྱང་དེ་བཞིན་དུ་དེའི་ཁྱིམ་དུ་ཞུགས་ཏེ་འཁོད་ནས།
D3.007.0130a06.01དེ་དག་ལ་དེའི་ཆུང་མ་དེས་བྲིམ་པར་བརྩམས་པ་དང་། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་བུད་མེད་འདིའི་མིག་དག་དང་། རྣ་བ་དག་དང་། སོ་དག་དང་། མཆུ་དག་དང་། ནུ་མ་དག་དང་། རྐེད་པ་དག་དང་། བརླ་དག་དང་། རྐང་པ་དག་མཛེས་པ་ལ་ལྟོས་ཤིག་ལྟོས་
D3.007.0130a07.01