完整藏文原文 · 德格版页 当前仅加载第 7 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་ནས། དགེ་སློང་དག་ཕྱིན་ཆད་ཁྲུས་མི་བྱེད་པས་དེ་དག་དྲི་མའི་རྫབ་ཀྱིས་གོས་པའི་ལུས་དྲི་ང་བར་གྱུར་ནས་བྲམ་ཟེ་དང་ཁྱིམ་བདག་གིས་སྨྲས་པ། འཕགས་པ་དག་དྲི་ང་བ་འདི་སུ་ལགས། དགེ་སློང་རྣམས་ཀྱིས་སྨྲས་པ། ཁོ་བོ་ཅག་གོ། །འཕགས་
D3.007.0244a01.01པ་དག་ཅིའི་སླད་དུ་ཁྲུས་མི་མཛད། བཅོམ་ལྡན་འདས་ཀྱིས་མ་གནང་ངོ་། །ཅི་ཁྱེད་ཅག་དྲི་མའི་རྫབ་འཆང་བས་དག་པར་འགྱུར་རམ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་
D3.007.0244a02.01ཟླ་བ་ཕྱེད་ཕྱེད་ཅིང་ཁྲུས་བྱ་བར་གནང་ངོ་། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་ཁྲུས་བྱའོ་ཞེས་བཀའ་སྩལ་ནས་སོ་གའི་དུས་ལ་བབ་པ་དང་། དགེ་སློང་དག་ཚ་བས་སྙོམ་ནས་དེ་དག་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་
D3.007.0244a03.01པར་གྱུར་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་སྨྲས་པ། འཕགས་པ་དག་ཅིའི་སླད་དུ་ཁྱེད་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་པར་གྱུར། དགེ་སློང་རྣམས་ཀྱིས་སྨྲས་པ། ཚ་བས་སྙོམ་མོ། །ཅིའི་སླད་དུ་ཁྲུས་
D3.007.0244a04.01མི་མཛད། བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཚ་བའི་དུས་མ་གཏོགས་སོ། །དགེ་སློང་དག་ན་བར་གྱུར་ནས་དེ་དག་སྨན་པའི་གན་དུ་
D3.007.0244a05.01དོང་སྟེ་དྲིས་པ། བཞིན་{བཟངས་,བཟང་}ཁོ་བོ་ཅག་ན་ན་ཁོ་བོ་ཅག་ལ་སྨན་སྟོན་ཅིག །དེས་སྨྲས་པ། འཕགས་པ་དག་གདུགས་རེ་རེ་ཞིང་ཁྲུས་སྟེན་ཅིག་དང་དེས་སོས་པར་འགྱུར་རོ། །བཞིན་{བཟངས་,བཟང་}བཅོམ་ལྡན་འདས་ཀྱིས་མ་གནང་ངོ་། །འཕགས་པ་དག་ཁྱེད་ཀྱི་སྟོན་པ་ཐུགས་
D3.007.0244a06.01རྗེ་དང་ལྡན་པས་དེ་ཉིད་རྐྱེན་དུ་མཛད་ནས་གནང་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ན་བའི་དུས་མ་གཏོགས་སོ། །
D3.007.0244a07.01