完整藏文原文 · 德格版页 当前仅加载第 7 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
དི་ན་ར་དག་གིས་སྲེ་མོ་ལྟ་བུའི་རྐྱལ་བུ་བཀང་སྟེ་ལམ་པོ་ཆེའི་བཞི་མདོར་བོར་བ་དང་། སྐྱེ་བོ་ཕལ་པོ་ཆེ་དེ་ནས་འགྲོ་བས་མཐོང་ནས་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ་ཞེས་ཡོངས་སུ་སྤངས་ཏེ་འགྲོ་ཞིང་འགའ་ཡང་ལེན་པར་མི་བྱེད་ནས། དེ་དག་གིས་སྨྲས་
D3.007.0239a01.01པ། འདི་ན་སྲེ་མོ་ལྟ་བུའི་རྐྱལ་བུ་དི་ན་ར་དག་གིས་གང་བ་འདུག་ན་མི་ལེན་ཏམ། དེ་དག་གིས་སྨྲས་པ། འདི་ནི་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་གྱི་སྲེ་མོ་ལྟ་བུའི་རྐྱལ་བུ་དི་ན་ར་དག་གིས་གང་བ་མ་ཡིན་གྱིས་མི་ལེན་ཏོ། །དེ་ནས་བུ་དེ་དག་ལྷགས་ཏེ་མ་ལ་སྨྲས་པ།
D3.007.0239a02.01ཡུམ་ཁྱོད་ནི་ནོར་ཆུད་མི་ཟ་བ་ལགས་མད་དོ། །ཐམས་ཅད་དུ་ཡང་{རི་དགས་,རི་དྭགས་}འཛིན་གྱི་མ་ས་ག་ནི་ནོར་ཆུད་མི་ཟ་བ་ཡིན། བདེན་ནོ་ཞེས་སྒྲ་གྲགས་པར་གྱུར་ཏོ། །དགེ་སློང་གིས་ཀུན་དགའི་ར་བར་གཏོགས་པར་སྲེ་མོ་ལྟ་བུའི་རྐྱལ་བུ་དི་ན་ར་དག་གིས་གང་བ་ཞིག་ལྷུང་བ་མཐོང་ནས་
D3.007.0239a03.01ཕྱོགས་དེར་མི་ཞིག་འོངས་པ་དང་། དགེ་སློང་དེས་མི་དེ་ལ་སྨྲས་པ། ཀྱེ་ནང་རྗེ་སྲེ་མོ་ལྟ་བུའི་རྐྱལ་བུ་འདི་ཁྱོད་ཀྱི་མ་ཡིན་ནམ། འཕགས་པ་ལགས་སོ། །ཁྱེར་ཏེ་སོང་ཤིག །དེས་དེ་ཁྱེར་ཏེ་མྱུར་བ་མྱུར་བར་སོང་བ་དང་། མི་གཞན་ཞིག་མགོ་རྡུལ་གྱིས་གང་སྟེ་ངུ་ཞིང་
D3.007.0239a04.01འོངས་ནས་དེས་སྨྲས་པ། འཕགས་པ་ཁྱོད་ཀྱིས་སྲེ་མོ་ལྟ་བུའི་རྐྱལ་བུ་ཞིག་གཟིགས་སམ། དགེ་སློང་དེས་སྨྲས་པ། མི་ཞིག་གིས་ཁྱེར་ཏེ་སོང་ངོ་། །དེས་སྲེ་མོ་ལྟ་བུའི་རྐྱལ་བུ་དེ་མ་རྙེད་པ་ན་སྨྱོས་ཤིང་སེམས་འཁྲུགས་པས་དེ་དང་དེར་ཚོལ་བ་ན་ཚུལ་མ་ཡིན་པས་སྡུག་
D3.007.0239a05.01བསྔལ་བར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་གྱ་ཚོམ་དུ་སྨྲ་བར་མི་བྱ་བར་དེ་ལ་སྲེ་མོ་ལྟ་བུའི་རྐྱལ་བུ་ཅི་འདྲ་བ་ཞིག །སྲང་དུ་པ་ཞིག་ཅེས་དྲི་བར་བྱའོ། །གལ་ཏེ་རྟགས་ལ་བབ་
D3.007.0239a06.01པར་སྨྲ་ན་སྦྱིན་པར་བྱའོ། །གལ་ཏེ་རྟགས་ལ་མ་བབ་པར་སྨྲ་ན་སྦྱིན་པར་མི་བྱའོ། །དེ་དག་གིས་དེར་བོར་ཏེ་དོང་བ་ན་དེ་གཞན་དག་གིས་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་བོར་ཏེ་འདོང་བར་མི་བྱ་བར་འགྲོ་བའི་ལམ་ལོགས་སུ་སའམ། ལོ་མའི་
D3.007.0239a07.01