完整藏文原文 · 德格版页 当前仅加载第 7 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་སློང་མའི་སྟོན་པར་བསྐོས་ཏེ་དགེ་སློང་མིང་འདི་ཞེས་བགྱི་བ་འདི་དགེ་སློང་མ་ལ་སྟོན་ཏོ། །འདི་ནི་གསོལ་བའོ། །
D3.007.0060a01.01ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་སློང་མའི་སྟོན་པར་སྤྲོ་ནས་དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་སློང་མའི་སྟོན་པར་བསྐོས་ཏེ། དགེ་སློང་མིང་འདི་ཞེས་བགྱི་བ་
D3.007.0060a02.01འདི་དགེ་སློང་མ་ལ་སྟོན་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་དགེ་སློང་མའི་སྟོན་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་
D3.007.0060a03.01འདི་ཞེས་བགྱི་བ་དགེ་སློང་མའི་སྟོན་པར་བསྐོས་ལགས་ཏེ་འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །བཅོམ་ལྡན་འདས་ཀྱིས་དགེ་སློང་མའི་སྟོན་པ་བསྐོ་བར་བྱའོ། །ཞེས་བཀའ་སྩལ་ནས་དེ་དག་བུས་པ་ཡང་རུང་རྨོངས་པ་ཡང་རུང་། མི་གསལ་བ་ཡང་རུང་།
D3.007.0060a04.01མི་མཁས་པ་ཡང་རུང་སྟེ་བྱེ་བྲག་མེད་པར་སྐོ་བར་བྱེད་ནས་དེ་དག་རེ་ཞིག་བདག་ཉིད་མ་དུལ་བས་གཞན་འདུལ་བར་འགྱུར་བ་དེ་ནི་གནས་མེད་པ་དང་། བདག་ཉིད་མ་ཞི་བས་གཞན་ཞི་བར་བྱེད་པ་དེ་ནི་གནས་མེད་པ་དང་། བདག་ཉིད་འདམ་ལས་མ་རྒལ་བས་གཞན་
D3.007.0060a05.01འདམ་ལས་སྒྲོལ་བར་བྱེད་པ་དེ་ནི་གནས་མེད་པ་དང་། དེ་དག་རེ་ཞིག་བདག་ཉིད་ཡོངས་སུ་མྱ་ངན་ལས་མ་འདས་པས་གཞན་ཡོངས་སུ་མྱ་ངན་ལས་འདས་པར་བྱེད་པ་དེ་ཡང་གནས་མེད་པས་བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པ་དགེ་སློང་མའི་
D3.007.0060a06.01སྟོན་པར་བསྐོ་བར་བྱ་སྟེ། ལྔ་གང་ཞེ་ན། ཚུལ་ཁྲིམས་དང་ལྡན་པ་དང་། མང་དུ་ཐོས་པ་དང་། གནས་བརྟན་རྒྱལ་ཚབ་ལྟ་བུ་དང་། གྲོང་ཁྱེར་པའི་སྐད་དང་ལྡན་པ་དང་། དེར་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་ཞིང་། གལ་ཏེ་སུན་ཕྱུང་ན་ཡང་
D3.007.0060a07.01