完整藏文原文 · 德格版页 当前仅加载第 7 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། བར་དུ་རྩྭའམ་ལོ་མ་དག་བཅུག་སྟེ་བྲིམ་པར་བྱའོ། །དེ་དག་བཟུང་སྟེ་འགྲེང་བ་ན་ངལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གཞག་པར་བྱའོ། །དེ་དག་གིས་གཞག་པ་དང་འདྲིལ་ནས་བཅོམ་ལྡན་འདས་ཀྱིས་བཀའ་
D3.007.0158a01.01སྩལ་པ། འོག་གཞི་ལ་གཞག་པར་བྱའོ། །དེ་དག་གིས་དེ་དག་ཟོས་ནས་དེ་དག་ཉིད་ལ་ཕྱིར་སྦྱིན་ནས་དེ་དག་གིས་སྨྲས་པ། འཕགས་པ་དག་ཞུན་མར་དང་། འབྲུ་མར་དང་། སྦྲང་རྩི་དང་། བུ་རམ་གྱི་དབུ་བ་དག་ཕུལ་ན་བུམ་པ་དག་མ་ཕུལ་ལམ་ཅི། བུམ་པ་དག་ཀྱང་ཁྱེད་
D3.007.0158a02.01ཉིད་སྣོམས་ཤིག །དེ་དག་གིས་མནོས་ཏེ་འདུག་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཆུའི་རྫིང་བུ་ཟབ་མོའི་ནང་དུ་ཞག་བདུན་ནམ། བརྒྱད་གཞུག་པར་བྱ་ཞིང་། གང་གི་ཚེ་ཉའམ། རུས་སྦལ་ལམ། སྦལ་པའམ། ཆུ་སྲིན་བྱིས་པ་གསོད་དམ། ཉ་
D3.007.0158a03.01ཁྱི་བདག་གིས་མ་ལུས་པར་ལྡགས་པར་གྱུར་པ་དེའི་ཚེ་ན་རུང་བའི་ཁང་པར་བཅུག་སྟེ་སྤྱད་པར་བྱའོ། །བཅོམ་ལྡན་འདས་ཀྱིས་བྱིན་ལེན་བྱེད་དུ་བཅུག་སྟེ་བཟའ་བར་བྱའོ་ཞེས་བཀའ་སྩལ་ནས། དེ་དག་གིས་ཇི་ལྟར་བྱིན་ལེན་བྱེད་དུ་བཅུག་པ་དང་། ཇི་ལྟར་བྱིན་ལེན་བྱེད་དུ་མ་བཅུག་པ་མི་
D3.007.0158a04.01ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རྣམ་པ་ལྔས་ནི་བྱིན་ལེན་བྱེད་དུ་མ་བཅུག་པར་བརྗོད་པར་བྱ་ལ། རྣམ་པ་ལྔས་ནི་བྱིན་ལེན་བྱེད་དུ་བཅུག་པར་བརྗོད་པར་བྱའོ། །རྣམ་པ་ལྔ་པོ་གང་དག་གིས་བྱིན་ལེན་བྱེད་དུ་མ་བཅུག་པར་བརྗོད་པར་བྱ་ཞེ་ན། མཚམས་ཀྱི་ཕྱི་རོལ་
D3.007.0158a05.01ན་འདུག་པས་དང་། མི་འཐོབ་པའི་ཕྱོགས་ནས་དང་། གློ་ནས་དང་། རྒྱབ་ནས་དང་། ལག་པ་ཁས་ཕུབ་པས་བྱིན་ལེན་བྱེད་དུ་འཇུག་པ་སྟེ། རྣམ་པ་ལྔ་པོ་དེ་དག་གིས་ནི་བྱིན་ལེན་བྱེད་དུ་མ་བཅུག་པར་བརྗོད་པར་བྱའོ། །རྣམ་པ་ལྔ་པོ་གང་དག་གིས་བྱིན་ལེན་བྱེད་དུ་བཅུག་པར་
D3.007.0158a06.01བརྗོད་པར་བྱ་ཞེ་ན། མཚམས་ཀྱི་ཕྱི་རོལ་མ་ཡིན་པ་ན་འདུག་པས་དང་། མི་འཐོབ་པའི་ཕྱོགས་མ་ཡིན་པ་ནས་དང་། གློ་མ་ཡིན་པ་ནས་དང་། རྒྱབ་མ་ཡིན་པ་ནས་དང་། ལག་པ་ཁས་ཕུབ་པ་མ་ཡིན་པས་བྱིན་ལེན་བྱེད་དུ་འཇུད་པ་སྟེ། རྣམ་པ་ལྔ་པོ་དེ་དག་གིས་ནི་བྱིན་ལེན་
D3.007.0158a07.01