完整藏文原文 · 德格版页 当前仅加载第 7 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དང་མི་མང་པོ་དག་གིས་དེ་བཞིན་གཤེགས་པ་ལ་བསྔོས་ཏེ། གཙུག་ལག་ཁང་དག་བྱེད་དུ་བཅུག་པ་དེ་དག་ནི་དེ་བཞིན་གཤེགས་པས་ཡོངས་སུ་མ་སྤྱད་ཀྱིས། ཁྱོད་ཀྱི་གཙུག་ལག་ཁང་གང་ཡིན་པ་འདི་ནི་དགེ་སློང་གནས་བརྟན་གནས་བརྟན་དག་གིས་མཚན་
D3.007.0049a01.01མོའི་ཐུན་དང་པོ་ལ་ཡོངས་སུ་སྤྱད་ཅིང་། བཅོམ་ལྡན་འདས་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་དང་བཅས་པས་ཀྱང་མཚན་མོའི་གུང་ཐུན་ལ་ཡོངས་སུ་སྤྱད་པས་ཁྱོད་ཀྱིས་ནི་རྙེད་པ་ལེགས་པར་རྙེད་དོ་ཞེས་གྱིས་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་
D3.007.0049a02.01ཞེས་བཅོམ་ལྡན་འདས་ལས་མཉན་ནས་བྲམ་ཟེ་དེ་ག་ལ་བ་དེར་སོང་སྟེ་ཕྱིན་ནས་བྲམ་ཟེ་དེ་ལ་འདི་སྐད་ཅེས་སྨྲས་སོ། །བྲམ་ཟེ་བཅོམ་ལྡན་འདས་ཀྱིས་བཀའ་སྩལ་པ། ལྷ་དང་མི་མང་པོ་དག་གིས་དེ་བཞིན་གཤེགས་པ་ལ་བསྔོས་ཏེ་གཙུག་ལག་ཁང་དག་བྱེད་དུ་བཅུག་པ་དེ་དག་ནི་དེ་
D3.007.0049a03.01བཞིན་གཤེགས་པས་ཡོངས་སུ་མ་སྤྱད་ཀྱིས། ཁྱོད་ཀྱི་གཙུག་ལག་ཁང་འདི་ནི་དགེ་སློང་གནས་བརྟན་གནས་བརྟན་དག་གིས་མཚན་མོའི་ཐུན་དང་པོ་ལ་ཡོངས་སུ་སྤྱད་ཅིང་། བཅོམ་ལྡན་འདས་དང་བརྒྱ་བྱིན་དང་། ཚངས་པ་ལ་སོགས་པ་ལྷ་རྣམས་དང་བཅས་པས་ཀྱང་མཚན་མོའི་
D3.007.0049a04.01གུང་ཐུན་ལ་ཡོངས་སུ་སྤྱད་པས་ཁྱོད་ཀྱིས་ནི་རྙེད་པ་ལེགས་པར་རྙེད་དོ་ཞེས་བྱུང་ངོ་། །བཙུན་པ་ཀུན་དགའ་བོ་བདག་གིས་གཙུག་ལག་ཁང་བཅོམ་ལྡན་འདས་ཀྱིས་ཡོངས་སུ་སྤྱད་དམ། བྲམ་ཟེ་ཡོངས་སུ་སྤྱད་དོ། །བཙུན་པ་ཀུན་དགའ་བོ་གལ་ཏེ་བདག་གི་གཙུག་ལག་ཁང་
D3.007.0049a05.01བཅོམ་ལྡན་འདས་ཀྱིས་ཡོངས་སུ་སྤྱད་ན་བདག་བཅོམ་ལྡན་འདས་ཀྱི་སླད་དུ་གདུགས་རེ་རེ་ཞིང་གཙུག་ལག་ཁང་འདི་ལྟ་བུ་ཤ་སྟག་བགྱིད་དུ་སྩོལ་བར་ཡང་སྤྲོའོ། །བདག་གིས་དགེ་བའི་བཤེས་གཉེན་དེ་དག་གར་མཆིས། དྲུག་སྡེ་དག་གིས་བྲམ་ཟེ་དེ་དེ་ལྟར་བདག་ཅག་འདྲིའོ་ཞེས་
D3.007.0049a06.01ཐོས་སོ། །ཐོས་ནས་ཀྱང་མྱུར་བ་མྱུར་བར་ལྷགས་པ་དང་། བྲམ་ཟེ་དེས་དེ་དག་ལ་རས་ཡུག་ཆེན་སར་པ་རེ་རེ་བསྐོན་ཅིང་ཡོ་བྱད་ཐམས་ཅད་ཀྱིས་ཀྱང་བསྟབས་སོ། །དགེ་སློང་རྣམས་ཀྱིས་དེ་དག་ལ་དྲུག་སྡེ་དག་གིས་གཙུག་ལག་ཁང་འདི་འདྲ་བ་བྱེད་དུ་བཅུག་གོ་ཞེས་སྨྲས་པ་
D3.007.0049a07.01