完整藏文原文 · 德格版页 当前仅加载第 7 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་ཆགས་ཀྱི་ཡོངས་འཛིན་དང་། ཞེ་སྡང་གི་ཡོངས་འཛིན་དང་། གཏི་མུག་གི་ཡོངས་འཛིན་ཏོ། །ཚེ་དང་ལྡན་པ་ལམ་པས་ཇི་ཙམ་གྱིས་ཚིགས་སུ་བཅད་པ་ཕྱེད་ཀྱི་དོན་ཀྱང་རྣམ་པར་ཕྱེ་བ་དེ་ཙམ་གྱིས་སྲོག་ཆགས་ཁྲི་ཉིས་སྟོང་གིས་བདེན་པ་དག་མཐོང་སྟེ།
D3.007.0071a01.01ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་
D3.007.0071a02.01བཅོམ་པ་ཉིད་མངོན་སུམ་དུ་བྱས་སོ། །ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་ཕལ་ཆེར་ནི་སངས་རྒྱས་
D3.007.0071a03.01ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་བཀོད་དོ། །དེ་ནས་ཚེ་དང་ལྡན་པ་ལམ་པས་འཁོར་དེ་དག་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་རྣམ་པར་བཀོད་ནས་སྟན་ལས་ལངས་ཏེ་སོང་
D3.007.0071a04.01ངོ་། །དགེ་སློང་དག་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འཁོད་པ་དེ་དག་གིས་ཚེ་དང་ལྡན་པ་ལམ་པ་ཐག་རིང་པོ་ཁོ་ན་ནས་འོང་བ་མཐོང་ནས་དེ་དག་གིས་སྨྲས་པ། ཚེ་དང་ལྡན་པ་དག་ཚེ་དང་ལྡན་པ་ལམ་པས་དེང་སྐྱེ་བོ་ཕལ་པོ་ཆེའི་ཚོགས་མངོན་པར་མ་དད་པར་གྱུར་པར་བྱས་གོར་
D3.007.0071a05.01མ་ཆག་ན། མངོན་སུམ་དུ་མི་དགའ་བ་བརྗོད་པ་ནི་སྡུག་བསྔལ་བ་ཡིན་པས་ཕྱི་བཞིན་འབྲང་བའི་དགེ་སྦྱོང་ལ་དྲིའོ་ཞེས་དེ་དག་གིས་དེའི་ཕྱི་བཞིན་འབྲང་བའི་དགེ་སྦྱོང་ལ་སྨྲས་པ། ཚེ་དང་ལྡན་པ་དེང་ཚེ་དང་ལྡན་པ་ལམ་པས་སྐྱེ་བོ་ཕལ་པོ་ཆེའི་ཚོགས་ཇི་སྙེད་ཅིག་མངོན་པར་མ་
D3.007.0071a06.01དད་པར་བྱས་དེས་སྨྲས་པ། སུས་མ་དད་པ་བྱས་བཅོམ་ལྡན་འདས་ཀྱིས་བཱ་རཱ་ཎ་སཱི་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་སུ་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་ཅེས་གང་ཐོས་པ་དེ་དེང་ཚེ་དང་ལྡན་པ་ལམ་པས་རྗེས་སུ་བསྐོར་ཏོ། །
D3.007.0071a07.01