完整藏文原文 · 德格版页 当前仅加载第 7 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཁྲུས་མཛད་ཅིང་། གང་གི་ཚེ་འཕགས་མ་དག་ཁྲུས་མཛད་པ་དེའི་ཚེ་ཡང་མཆིས་འབྲང་གི་འཁོར་སྡོད་པར་བགྱིད་ལ། གང་གི་ཚེ་མཆིས་འབྲང་གི་འཁོར་ཁྲུས་བགྱིད་པ་དེའི་ཚེ་ཡང་འཕགས་མ་དག་གིས་གཞེས་པར་མཛད་དུ་གསོལ། བཅོམ་ལྡན་
D3.007.0243a01.01འདས་ཀྱིས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ་། །དེ་ནས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་
D3.007.0243a02.01གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དྲུག་སྡེ་དག་ལ་བློ་སྐྱེས་པ། དགའ་བོ་ཉེ་དགའ་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་དད་པ་དང་ལྡན་པ་ནི་ཡིན་ན་དད་པ་ཇི་ལྟ་བུ་དང་ལྡན་པ་བལྟས་ཁྲུས་བྱེད་དུ་འདོང་ངོ་ཞེས་
D3.007.0243a03.01དེ་དག་དེར་ཁྲུས་བྱེད་དུ་དོང་ནས། དེ་དག་གིས་སྨྲས་པ། དགའ་བོ་ཉེ་དགའ་གལ་ཏེ་བདག་ཅག་ཐམས་ཅད་ཅིག་ཅར་ཁྲུས་བྱས་ན་མྱུར་དུ་ཟིན་པར་འགྱུར་གྱིས། གཉིས་ཀྱིས་ཁྲུས་བྱ་ཞིང་བཞིས་གྲོགས་བྱའོ། །དེའི་འོག་ཏུ་གཉིས་ཀྱིས་ཁྲུས་བྱ་ཞིང་བཞིས་གྲོགས་བྱའོ། །
D3.007.0243a04.01དེའི་འོག་ཏུ་ཡང་གཉིས་ཀྱིས་ཁྲུས་བྱ་ཞིང་བཞིས་གྲོགས་བྱའོ། །དེ་ལྟར་བྱའོ་ཞེས་དེ་དག་ལས་གཉིས་ཀྱིས་ཁྲུས་བྱ་བར་བརྩམས་ཏེ་བཞི་གྲོགས་བྱེད་ཅིང་འདུག་གོ། །དེའི་ཚེ་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་དེར་ཁྲུས་བྱེད་དུ་འཕགས་ནས་དེས་མི་
D3.007.0243a05.01གསང་ལ་གཏོགས་པ་ལ་སྨྲས་པ། ཀྭའེ་ནང་རྗེ་སོང་ལ་ད་ལྟར་སུས་ཁྲུས་བྱེད་ལྟོས་ཤིག །མི་དེས་ལྷ་བཀའ་བཞིན་འཚལ་ཞེས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས་དེར་སོང་སྟེ་བལྟས་ན། ཇི་ཙམ་ན་དྲུག་སྡེ་དག་ཁྲུས་བྱས་པ་མཐོང་
D3.007.0243a06.01ནས་དེ་རྒྱལ་པོའི་གན་དུ་སོང་སྟེ་སྨྲས་པ། ལྷ་འཕགས་པ་དྲུག་སྡེ་དག་ཁྲུས་བགྱིད་དོ། །རྒྱལ་པོས་སྨྲས་པ། ཁྲིའུ་ཚུགས་ཤིག་དང་བསྡད་པར་བྱའོ། །དེས་ཁྲིའུ་བཙུགས་ནས་རྒྱལ་པོ་བསྡད་པ་དང་། ཇི་ཙམ་ན་ཡུན་རིང་ཞིག་ལོན་ནས་རྒྱལ་པོས་ཡང་མི་གསང་ལ་
D3.007.0243a07.01