完整藏文原文 · 德格版页 当前仅加载第 7 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
བཅུས་ནས་ཁྱིམ་ཐབ་རྣམས་ལ་བྱིན་ནོ། །བུ་རྣམས་ཀྱིས་ཕ་ལ་སྨྲས་པ། ཡབ་ཁྱོད་ཀྱི་བསོད་ནམས་དག་པས་ཏེ། བདག་ཅག་གི་མངོན་སུམ་ཁོ་ནར་རྫེའུ་གཅིག་གི་ནང་དུ་འབྲས་སཱ་ལུ་ཐུག་པོ་ཆེ་དག་སྩལ་ཅིང་རྫེའུ་ཅིག་ཤོས་ཀྱི་ནང་དུ་ཆབ་ཞོ་སྩལ་ཏེ་གཡོས་བགྱིད་དུ་སྩལ་ན།
D3.007.0074b01.01ཁྱོད་ཀྱི་ཞལ་དུ་ནི་འབྲས་ཆན་རྩུབ་པོ་དང་། རྩབས་བསྐོལ་བ་མཆི་ལ། བདག་ཅག་གི་གཡར་དུ་ནི་འབྲས་སཱ་ལུ་ཐུག་པོ་ཆེའི་ཆན་དང་། ཆབ་ཞོའི་ཚོད་མ་མཆི་བས་བུད་མེད་དག་གིས་མ་ནོངས་སོ། །བྲམ་ཟེས་བསམས་པ། ཁོ་བོས་ལག་པས་བཅལ་བ་བརྒྱ་དག་གིས་ལོངས་
D3.007.0074b02.01སྤྱོད་དག་བསྒྲུབས་ན་ཅིའི་ཕྱིར་ཁོ་བོའི་བསོད་ནམས་དག་ཟད་པར་གྱུར་སྙམ་ནས། དེས་དེ་དག་གིས་མ་ཚོར་བར་ལྐོག་ཏུ་དེ་དག་གི་ཚང་མང་དུ་སོང་སྟེ་ལག་ནོམ་གྱིས་བཙལ་བ་དང་། རྫེའུ་ཁ་གཅིག་ལ་ནང་གཉིས་ཡོད་པ་དག་ལག་པས་ཟིན་ནས་དེས་དེ་དག་གཞན་དུ་སྦས་ཏེ། བུ་
D3.007.0074b03.01དག་འོངས་ཤིང་ལྷགས་པ་ན་བུ་དག་ཁོ་བོའི་བསོད་ནམས་དག་ཟད་པ་ལ་ལྟོས་ཞེས་རྫེའུ་དེ་དག་བསྟན་ནས་ཚིགས་སུ་བཅད་པ་སྨྲས་པ། བུ་རྣམས་གཞན་གྱི་ཁྱིམ་དག་ན། །རྫེའུ་གཅིག་ལ་ནི་ཁ་གཅིག་ཡོད། །བདག་ཅག་སྐལ་བ་མེད་རྣམས་ཀྱི། །རྫེའུ་ནང་གཉིས་ལའང་
D3.007.0074b04.01ཁ་གཅིག་ཡོད། དེ་དག་གིས་ཆུང་མ་དེ་དག་ཏེ་པོར་བརྡེགས་པ་དང་། དེ་དག་གིས་བསམས་པ། བྲམ་ཟེ་འདི་བདག་ཅག་ལ་གནོད་པའི་ཕྱིར་ཞུགས་པ་ཡིན་གྱིས། བདག་ཅག་གིས་འདི་གསད་པར་བྱའོ་སྙམ་ནས་ཕྱོགས་དེར་སྦྲུལ་ཁས་སྡིགས་པ་ཞིག་འོངས་ནས་དེ་དག་གིས་དེ་
D3.007.0074b05.01ལ་དྲིས་པ། བཞིན་{བཟངས་,བཟང་}སྦྲུལ་ཡོད་དམ། དེས་སྨྲས་པ། སྦྲུལ་ཇི་ལྟ་བུ་འདོད་ཅི་ཤི་བའམ། འོན་ཏེ་གསོན་པོ། དེ་དག་གིས་སྨྲས་པ། ཤི་བའོ། །དེས་བསམས་པ། འདི་དག་ལ་སྦྲུལ་ཤི་བས་ཅི་བྱ་སྟེ། འདི་དག་བྲམ་ཟེ་འདི་གསོད་པར་འདོད་གོར་མ་ཆག་སྙམ་
D3.007.0074b06.01མོ། །ཆོས་ཉིད་ཀྱིས་ན་སྦྲུལ་ཁྲོས་པའི་དུག་ནི་མགོ་དང་མཇུག་མའི་གནས་གཉིས་སུ་འཕོ་བས་དེས་སྦྲུལ་ནག་པོ་ཁྲོས་པར་བྱས་ཏེ་མགོ་དང་མཇུག་མ་བཅད་ནས་རྐེད་པའི་ཆ་དེ་དག་ལ་བྱིན་ནོ། །དེ་དག་གིས་ཕོ་ཤའི་ཁུ་ཤ་བྱས་ཏེ་བྲམ་ཟེ་དེ་ལ་སྨྲས་པ། ཡབ་ཕོ་ཤའི་ཁུ་ཤ་
D3.007.0074b07.01