完整藏文原文 · 德格版页 当前仅加载第 7 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་གིས་དགེ་བའི་བཤེས་གཉེན་བཙུན་པ་ལ་བརྟེན་ནས་བཙུན་པས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་
D3.007.0263a01.01དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས། བྱམས་པ་དང་། མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་
D3.007.0263a02.01ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་དུད་འགྲོ་དང་། {ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་ནི་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་
D3.007.0263a03.01ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ཅག་ནི་མངོན་པར་ཞུགས་པ་ལགས་སོ། །བཙུན་པ་བདག་ཅག་ནི་མངོན་པར་ཞུགས་པ་ལགས་ཏེ། བཙུན་པ་བདག་ཅག་བཅོམ་ལྡན་འདས་དང་
D3.007.0263a04.01ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིས། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །འཕགས་པ་བདག་ཅག་གིས་ད་ནི་གཞན་གྱི་ཏིལ་གྱི་ཕུབ་མ་ཙམ་
D3.007.0263a05.01ཡང་མ་བྱིན་པར་ལེན་པའི་རྔོ་མི་ཐོག་པས་རྫས་འདིས་ཅི་བགྱི། བཞིན་{བཟངས་,བཟང་}དག་དེ་ཉིད་དུ་དེང་ལ་ཞོག་ཤིག །འཕགས་པ་བདག་ཅག་འཛིན་པ་མི་མཆིའམ། ཅི་ཁྱེད་ཀྱིས་དེར་ཁྱི་གཅིག་ཙམ་ཡང་སད་པར་གྱུར་ཏམ། དེང་ལ་དེ་ཉིད་དུ་ཞོག་ཤིག །དེ་དག་གིས་དེར་དོང་
D3.007.0263a06.01སྟེ་རྫས་དེ་དག་ཕྱིར་བཞག་གོ། །དེ་ནས་ཚེ་དང་ལྡན་པ་མ་འགགས་པ་ལ་མངོན་པར་དད་པའི་ལྷ་གང་ཡིན་པ་དེས་རི་བྲགས་དེར་སྨྲས་པ། ཁྱེད་མ་བཅོམ་པ་གང་ཡིན་པ་དེ་ཐམས་ཅད་ནི་འཕགས་པ་མ་འགགས་པའི་མཐུ་ཡིན་ཏེ། འཕགས་པ་མ་འགགས་པ་སྐྱེད་མོས་ཚལ་
D3.007.0263a07.01