完整藏文原文 · 德格版页 当前仅加载第 7 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱིས་ཤེས་ནས་འདི་ལྟ་སྟེ། དཔེར་ན་སྐྱེས་བུའི་ལག་པ་བསྐུམ་པ་ལས་རྐྱོང་བར་བྱེད་པའམ། བརྐྱང་བ་ལས་སྐུམ་པར་བྱེད་པ་དེ་བཞིན་དུ་ཚངས་པ་དང་། བརྒྱ་བྱིན་ལ་སོགས་པ་ལྷ་རྣམས་ལྷའི་འཇིག་རྟེན་ནས་མི་སྣང་བར་གྱུར་ཏེ། བཅོམ་ལྡན་འདས་ཀྱི་སྤྱན་སྔར་
D3.007.0048b01.01ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །བཅོམ་ལྡན་འདས་ཀྱིས་ཀྱང་དེ་དག་ལ་ཆོས་བསྟན་པ་མཛད་ནས་དེ་དག་གིས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ།
D3.007.0048b02.01བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་དེ་ཉིད་དུ་མི་སྣང་བར་གྱུར་ཏོ། །བཅོམ་ལྡན་འདས་ཀྱང་དེར་མཚན་མོའི་གུང་ཐུན་འདའ་བར་མཛད་ནས་གཤེགས་སོ། །མཚན་མོའི་ཐུན་ཐ་མ་ལ་སྤྲིན་ཁ་དོག་ལྔ་པ་འདུས་ནས་དེས་གཙུག་ལག་ཁང་དེར་ཇི་ཙམ་དུ་དཔེར་ན་
D3.007.0048b03.01སྤྱད་ཆུས་གང་བར་གྱུར་པ་བཞིན་དུ་ཆུས་གང་བར་གྱུར་པ་དེ་ཙམ་གྱི་ཆར་ཕབ་ནས་ཆུ་དེས་ཅི་ནས་ཀྱང་གཙུག་ལག་ཁང་དེ་ཐམས་ཅད་རྡིབ་པར་གྱུར་པ་དེ་ཙམ་དུ་བངས་པར་གྱུར་ཏོ། །དྲུག་སྡེ་དག་གིས་དེ་ལྟར་གཙུག་ལག་ཁང་དེ་ཐམས་ཅད་རྡིབ་པར་གྱུར་ཏོ་ཞེས་ཐོས་སོ། །ཐོས་ནས་ཀྱང་དེ་དག་
D3.007.0048b04.01སྐྲག་སྟེ་བྲོས་སོ། །བྲམ་ཟེ་དེས་ཀྱང་ཕྱི་དེ་ཉིན་བར་བཅའ་བ་དང་བཟའ་བ་གཙང་ཞིང་བསོད་པས་ཤིང་རྟ་བཀང་སྟེ་གཙུག་ལག་ཁང་དུ་འོངས་ནས་དེས་དགེ་སློང་རྣམས་ལ་དྲིས་པ། འཕགས་པ་དག་བདག་གི་གཙུག་ལག་ཁང་དེ་གང་ལགས། དེ་ན་རྒན་ཞུགས་དྲུག་སྡེ་དག་དང་
D3.007.0048b05.01ཁོན་ཡོད་པ་ཞིག་འདུག་པས་སྨྲས་པ། བྲམ་ཟེ་ཁྱེད་ཀྱི་གཙུག་ལག་ཁང་དེ་ནི་རྔ་མོ་སྒྱེལ་བ་བཞིན་དུ་འདུག་པ་འདི་ཡིན་གྱིས། ཅི་ནས་ཀྱང་སྒོ་སྐྱེས་ཀྱིས་དཔྲལ་བ་མི་བཅོམ་པ་དེ་ལྟར་བག་གྱིས་ལ་འདིར་ཞུགས་ཤིག །བྲམ་ཟེ་དེས་སྨྲས་པ། བདག་གིས་གཙུག་ལག་ཁང་
D3.007.0048b06.01ལ་ནོར་གྱི་ཕུང་པོ་འདི་སྙེད་ཅིག་ཡོངས་སུ་བཏང་ན་གཙུག་ལག་ཁང་དེ་ཡང་ཡོངས་སུ་མ་སྤྱད་པ་ཁོ་ནར་རྡིབ་པོ་ཞེས་རིགས་ནས་བརྒྱལ་ཏེ་ས་ལ་འགྱེལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་བྲམ་ཟེ་དེ་ལ་འདི་སྐད་ཅེས་
D3.007.0048b07.01