完整藏文原文 · 德格版页 当前仅加载第 7 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
ཟེ་དེ་དགེ་སློང་དེ་ག་ལ་བ་དེར་སོང་སྟེ་ཕྱིན་ནས་དགེ་སློང་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་དགེ་སློང་དེས་བྲམ་ཟེ་དེ་ལ་རྟེན་ཅིང་འབྲེལ་པར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང་། ལུགས་ལས་
D3.007.0064b01.01བཟློག་པ་རྒྱ་ཆེར་བསྟན་ཏོ། །བྲམ་ཟེ་དེ་མངོན་པར་དད་པར་གྱུར་ནས་སྨྲས་པ། དགེ་སློང་བདག་རབ་དུ་དབྱུང་དུ་གསོལ། དགེ་སློང་དེས་བསམས་པ། བྲམ་ཟེ་འདི་ནི་རྒོལ་བ་ཡིན་པས་རབ་དུ་ཕྱུང་ན་བསྟན་པ་ལ་གཅེས་པ་བྱེད་པར་འགྱུར་གྱིས་རབ་དུ་དབྱུང་ངོ་སྙམ་ནས་དེས་
D3.007.0064b02.01སྨྲས་པ། བྲམ་ཟེ་དེ་ལྟར་གྱིས་ཤིག །བྲམ་ཟེས་སྨྲས་པ། ཀྱེ་དགེ་སློང་བདག་ནི་བྲམ་ཟེ་གྲགས་པ་ཅན་ལགས་པས་བདག་གིས་འདི་ཉིད་དུ་རབ་དུ་འབྱུང་བའི་རྔོ་མི་ཐོག་ན་ལྗོངས་སུ་བཞུད་དོ། །དེ་ལྟར་གྱིས་ཤིག །དགེ་སློང་དེས་བྲམ་ཟེ་དེ་ལྗོངས་སུ་ཁྲིད་དེ་རབ་ཏུ་ཕྱུང་
D3.007.0064b03.01རྫོགས་པར་བསྙེན་པར་བྱས་ནས་སྨྲས་པ། བཞིན་{བཟངས་,བཟང་}དགེ་སློང་གི་ལས་ནི་གཉིས་ཏེ། བསམ་གཏན་དང་། ཀློག་པ་ཡིན་ན་ཁྱོད་བསམ་གཏན་དང་། ཀློག་པ་གང་འདོད། ལམ་ཆེན་པས་སྨྲས་པ། མཁན་པོ་གཉིས་ཀ་ཡང་བགྱི་སྟེ། གདུགས་ལ་ནི་
D3.007.0064b04.01བཀླག་པར་བགྱི། དགུང་ལ་ནི་བསམ་གཏན་བགྱིའོ། །བུ་དེ་བཞིན་གྱིས་ཤིག །དེ་ནས་ཚེ་དང་ལྡན་པ་ལམ་ཆེན་པས་ཉིན་མོ་བཀླག་པ་དང་ཁ་ཏོན་བྱས་པས་སྡེ་སྣོད་གསུམ་པོ་དག་ལྷོགས་པར་གྱུར་ཏེ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་
D3.007.0064b05.01དང་གྲོལ་བའི་སྤོབས་པ་ཅན་དུ་གྱུར་ཏོ། །མཚན་མོ་བསམ་གཏན་བྱས་པས་གོང་ནས་གོང་དུ་ཡིད་ལ་བྱེད་པའི་ཁྱད་པར་ཐོབ་ནས་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང་། ལྟུང་བ་དང་། རྣམ་
D3.007.0064b06.01པར་འཐོར་བ་དང་། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་(སྨིག་,སྨྲིག་)དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་
D3.007.0064b07.01