完整藏文原文 · 德格版页 当前仅加载第 7 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་
D3.007.0237b01.01པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རིན་པོ་ཆེའམ། རིན་པོ་ཆེར་སྨོས་པ་རང་གི་ལག་གིས་ལེན་ཏམ། ལེན་
D3.007.0237b02.01དུ་འཇུད་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །དེ་ནས་བཅོམ་ལྡན་འདས་ཡངས་པ་ཅན་དུ་ཅི་དགྱེས་པར་བཞུགས་ནས་མཉན་ཡོད་ག་ལ་དེ་ལོགས་སུ་ལྗོངས་རྒྱུ་ཞིང་གཤེགས་ནས་མཐར་གྱིས་རྒྱུ་ཞིང་གཤེགས་
D3.007.0237b03.01པ་ན་མཉན་ཡོད་དུ་བྱོན་ནས་མཉན་ཡོད་ན་ཤར་གྱི་ཀུན་དགའ་ར་བ་ན་{རི་དགས་,རི་དྭགས་}འཛིན་གྱི་མའི་ཁང་{བཟངས་,བཟང་}ན་བཞུགས་སོ། །{རི་དགས་,རི་དྭགས་}འཛིན་གྱི་མ་ས་གས་བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས་མཉན་ཡོད་ན་བདག་གི་ཁང་{བཟངས་,བཟང་}ན་བཞུགས་
D3.007.0237b04.01ཞེས་ཐོས་སོ། །ཐོས་ནས་ཀྱང་རྒྱན་ཐམས་ཅད་ཀྱིས་བརྒྱན་ཏེ་མཉན་ཡོད་ནས་བྱུང་ནས་བཅོམ་ལྡན་འདས་ག་ལ་བ་དེར་སོང་ངོ་། །དེ་ངོ་ཚ་དང་ལྡན་པ་ཡིན་པས་དེས་རྒྱན་བཀྲོལ་ཏེ། ཐུམ་པོར་བཅིངས་ནས་བུ་མོའི་ལག་ཏུ་བྱིན་ཏེ། བཅོམ་ལྡན་འདས་ཀྱི་སྤྱན་སྔར་སོང་ནས། བཅོམ་ལྡན་
D3.007.0237b05.01འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །དེ་ན་ཧ་ཅང་ཐག་མི་རིང་བ་ན་སྣ་མའི་ཡལ་ག་མེ་ཏོག་རྒྱས་པ་ཞིག་འདུག་ནས་བུ་མོ་དེས་དེ་མཐོང་ནས་བསམས་པ། འདི་ལས་མེ་ཏོག་དག་བཏོགས་ཏེ་བཅོམ་ལྡན་འདས་ལ་མེ་ཏོག་སིལ་མ་དག་གིས་
D3.007.0237b06.01གཏོར་གྱིས་འཐོག་ཏུ་འགྲོའོ་སྙམ་ནས་དེས་རྒྱན་དེ་མཐའ་གཅིག་ཏུ་བཞག་སྟེ། སྣ་མའི་ཡལ་ག་དེ་ལས་མེ་ཏོག་དག་བཏོགས་ནས། བཅོམ་ལྡན་འདས་ལ་མེ་ཏོག་སིལ་མ་དག་གིས་གཏོར་ཏེ་མཐའ་གཅིག་ཏུ་འདུག་གོ། །བཅོམ་ལྡན་འདས་ཀྱིས་དེ་ལ་ཡུན་རིང་དུ་ཆོས་བསྟན་ནས་དེས་
D3.007.0237b07.01