完整藏文原文 · 德格版页 当前仅加载第 5 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུའི་ཆང་གིས་ཇི་ལྟ་བ་བཞིན་དུ་བཅོས་པའི་ཆང་དང་། སྦྱར་བའི་ཆང་དང་། རྩ་བའི་བཏུང་བ་དང་། སྡོང་བུའི་བཏུང་བ་དང་། འདབ་མའི་བཏུང་བ་དང་། མེ་ཏོག་གི་བཏུང་བ་དང་། འབྲས་བུའི་བཏུང་བས་སམ། གསང་སྔགས་དག་དང་། རིག་སྔགས་དང་། སྨན་གྱིས་
D3.005.0035b01.01སེམས་འཁྲུགས་པར་བྱས་པའམ། གཉིད་ལོག་པར་བྱས་ཏེ་ཡང་དེ་བཞིན་ནོ། །དགེ་སློང་གིས་དགེ་སློང་གྱ་ཚོམ་དུ་མཐུས་བཟུང་སྟེ་རྩོལ་བར་བྱེད་ཅིང་། གལ་ཏེ་དགེ་སློང་གིས་དེ་འཇུད་པ་ན་བདག་གིར་བྱེད་ན་གཉི་ག་བསྙིལ་བར་བྱའོ། །འཇུད་པ་ན་མི་བྱེད་ཀྱང་བཅུག་པ་ན་བདག་གིར་
D3.005.0035b02.01བྱེད་ན་གཉི་ག་བསྙིལ་བར་བྱའོ། །འཇུད་པ་ན་ཡང་མི་བྱེད། བཅུག་པ་ན་ཡང་མི་བྱེད་མོད་ཀྱི་འབྱིན་པ་ན་བདག་གིར་བྱེད་ན་གཉི་ག་བསྙིལ་བར་བྱའོ། །འཇུད་པ་ན་ཡང་བདག་གིར་མི་བྱེད། བཅུག་པ་ན་ཡང་མི་བྱེད། འབྱིན་པ་ན་ཡང་མི་བྱེད་ན་གང་རྩོལ་བ་དེ་བསྙིལ་བར་
D3.005.0035b03.01བྱའོ། །དགེ་སློང་གིས་དགེ་སློང་ལ་ཇི་ལྟ་བ་བཞིན་དུ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། དགེ་སློང་མས་དགེ་སློང་དང་། དགེ་ཚུལ་དང་། དགེ་སློབ་མས་དགེ་སློང་དང་། དགེ་ཚུལ་དང་། དགེ་ཚུལ་མས་དགེ་སློང་དང་།
D3.005.0035b04.01དགེ་ཚུལ་དང་། དགེ་ཚུལ་གྱིས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ཡང་དེ་བཞིན་ནོ།། །།འདུལ་བ་རྣམ་པར་འབྱེད་པ། བམ་པོ་གཉིས་པ། སྡོམ་ལ། རྒྱབ་མཉེན་དང་ནི་འཕྱང་བ་ཅན། །མཛེས་དགའ་ཚོགས་ཅན་
D3.005.0035b05.01རྒན་མོ་དང་། །དགེ་སློང་གཉིད་ཀྱིས་ལོག་པ་ལ། །ལྕི་ཐུན་མས་བཙལ་ཉེས་མེད་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་
D3.005.0035b06.01ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དུས་གཞན་ཞིག་ན་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་
D3.005.0035b07.01