完整藏文原文 · 德格版页 当前仅加载第 5 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་མཐོང་ངོ་། །མཐོང་ནས་ཀྱང་གང་དག་མ་དད་པ་དེ་དག་ནི་དགེ་སྦྱོང་གཽ་ཏ་མ་ལྟད་མོ་དང་བྲལ་ལོ་ཞེས་གྲགས་ན། དེ་ལ་ཡང་ལྟད་མོ་སྐྱེས་ཏེ་ཆུ་སྲིན་ཉའི་རིགས་བལྟ་བའི་ཕྱིར་ཉེ་བར་འོངས་སོ་ཞེས་
D3.005.0165b01.01ཟེར་རོ། །གང་དག་དད་པ་དང་ལྡན་པ་དེ་དག་ནི་མ་དད་པ་དེ་དག་ལ་ཤེས་ལྡན་དག་སངས་རྒྱས་བཅོམ་ལྡན་འདས་རྣམས་ནི་ལྟད་མོ་དང་བྲལ་བ་ཁོ་ན་ཡིན་ཏེ། བཅོམ་ལྡན་འདས་ཆུ་སྲིན་ཉའི་རིགས་ལས་བརྩམས་ཏེ། སྐྱེ་བོའི་ཚོགས་ཆེན་པོ་ལ་ངོ་མཚར་རྨད་དུ་བྱུང་
D3.005.0165b02.01བའི་ཆོས་ཅུང་ཞིག་སྟོན་པར་བཞེད་གོར་མ་ཆག་གོ་ཞེས་ཟེར་ཞིང་འདི་སྐད་ཅེས་ཀྱང་སྨྲས་སོ། །ཐུབ་པ་ལྟད་མོ་བྲལ་བའི་དགོངས་ལྡན་པ། །ལྟད་མོ་མེད་ལ་སྐྱེ་ངན་དོན་མེད་སྨྲ། །གཞན་ཕན་དེ་ལ་གཞོལ་བའི་རྒྱལ་བ་འདི། །ལུས་ཅན་ཕན་ཕྱིར་ངེས་པར་
D3.005.0165b03.01འདིར་གཤེགས་སོ། །དེ་ནས་འཁོར་དེས་བཅོམ་ལྡན་འདས་མཐོང་ནས་འཕྲལ་ཁོ་ན་ལ་མངོན་པར་ལངས་ཏེ། འདི་ལྟར་བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པས་ཡབ་དང་། ཡུམ་དང་། མཁན་པོ་དང་། སློབ་དཔོན་དང་། བླ་མ་དང་།
D3.005.0165b04.01བླ་མའི་གནས་ལྟ་བུ་དག་ལ་མངོན་པར་བཞེངས་པ་མཛད་མཛད་པའི་ཕྱིར་རོ། །དེ་ནས་བཅོམ་ལྡན་འདས་འཁོར་དེའི་དབུས་སུ་གཤེགས་ཏེ། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་
D3.005.0165b05.01འདས་ཀྱིས་ཉ་པ་ལྔ་བརྒྱ་པོ་དེ་དག་ལ་བཀའ་སྩལ་པ། བཞིན་{བཟངས་,བཟང་}དག་རེ་ཞིག་ཁྱེད་ཅག་ནི་ཉེས་པར་བྱས་པའི་ལས་བྱེད་པ་ཡིན་ཏེ། དེས་ན་ད་ལྟར་ཉ་པའི་སྐྱེ་གནས་དམན་པར་སྐྱེས་ཤིང་ཁྱེད་ཅག་ད་ལྟར་དྲག་ཤུལ་ཅན། ལག་པ་ཁྲག་གིས་གོས་པ།
D3.005.0165b06.01ཉམས་པ་རབ་ཏུ་ཉམས་པ་ལ་ཞེན་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་པས་འཚོ་བར་བྱེད་དེ། འདི་ནས་ཤི་འཕོས་ན་ཁྱེད་ཅག་གི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། དེ་དག་གིས་གསོལ་པ།
D3.005.0165b07.01