完整藏文原文 · 德格版页 当前仅加载第 5 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་མཆིས། བཞིན་{བཟངས་,བཟང་}ཁྱད་པར་ཤིན་ཏུ་ཆེ་སྟེ། འདི་ལྟ་སྟེ། དཔེར་ན་རིའི་རྒྱལ་པོ་རི་རབ་དང་ཡུངས་ཀར་ལྟ་བུ་དང་། རྒྱ་མཚོ་ཆེན་པོ་དང་བ་ལང་གི་རྗེས་ལྟ་བུ་དང་། ཉི་མ་དང་སྲིན་བུ་མེ་ཁྱེར་ལྟ་བུ་དང་། ནམ་མཁའ་དང་པད་མའི་རྩ་བའི་བུ་ག་ལྟ་བུའོ། །དེ་ལ་རིའི་
D3.005.0263a01.01རྒྱལ་པོ་རི་རབ་ཇི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། ཡུངས་ཀར་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ། །རྒྱ་མཚོ་ཆེན་པོ་ཇི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། བ་ལང་གི་རྗེས་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ། །ཉི་མ་ཇི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། སྲིན་བུ་
D3.005.0263a02.01མེ་ཁྱེར་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ། །ནམ་མཁའ་ཇི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། པད་མའི་རྩ་བའི་བུ་ག་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ། །ཞེས་སྨྲས་ནས། ཚིགས་སུ་བཅད་པ་སྨྲས་པ། རི་རྒྱལ་ཡུངས་ཀར་གཉིས་ལ་ཁྱད་པར་གང་ཡོད་དང་། །
D3.005.0263a03.01དུག་ཅན་གླང་རྗེས་ཆུ་ལ་ཁྱད་པར་གང་ཡོད་དང་། །ཉི་མ་མེ་ཁྱེར་སྲིན་ལ་ཁྱད་པར་གང་ཡོད་དང་། །ནམ་མཁའ་པད་མའི་བུ་གར་ཁྱད་པར་གང་ཡོད་པ། །སངས་རྒྱས་ཉན་ཐོས་བྱང་ཆུབ་ཁྱད་པར་དེ་ཡོད་དོ། །དེ་ནས་གྱད་བུ་ནོར་འདི་སྙམ་དུ་སེམས་ཏེ། ཇི་ལྟར་རབ་ཏུ་བྱུང་བ་འདིའི་
D3.005.0263a04.01སྟོན་པ་ལ་སྟོད་པར་བྱེད་ཅིང་བདག་ཉིད་ལ་སྨོད་པར་བྱེད་པ་ལས་ན། སངས་རྒྱས་ནི་དམ་པ་མ་ཡིན་པར་མི་འགྱུར་ལ། ཆོས་བསྟན་པ་ཡང་དམ་པ་མ་ཡིན་པར་མི་འགྱུར་རོ་སྙམ་དུ་རིག་ནས། ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ། །འཕགས་པ་བདག་ལེགས་པར་
D3.005.0263a05.01གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་བགྱིའོ། །བདག་འཕགས་པའི་དྲུང་ན་ཚངས་པར་སྤྱོད་པ་སྤྱད་པར་བགྱིའོ། །བཞིན་{བཟངས་,བཟང་}ཁྱོད་ཕ་མ་དག་གིས་གནང་ངམ། འཕགས་པ་མ་གནང་ངོ་། །བཞིན་{བཟངས་,བཟང་}དེ་
D3.005.0263a06.01བཞིན་གཤེགས་པ་དང་། དེ་བཞིན་གཤེགས་པའི་ཉན་ཐོས་ནི་ཕ་མ་དག་གིས་མ་གནང་བའི་རིགས་ཀྱི་བུ་རབ་ཏུ་འབྱིན་པར་མི་མཛད། བསྙེན་པར་རྫོགས་པར་མི་མཛད་དོ། །འཕགས་པ་ཁྱོད་ཀྱིས་བདག་རབ་ཏུ་དབྱུང་བ་འབའ་ཞིག་མཛོད་ཅིག་དང་། ཅི་ནས་ཀྱང་བདག་ཕ་མ་དག་
D3.005.0263a07.01