完整藏文原文 · 德格版页 当前仅加载第 5 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཐལ་མོ་སྦྱར་བ་དང་། གདུད་པའི་ལས་བྱ་བར་འོས་པ་ཡིན་ནོ། །བྲམ་ཟེའི་ཁྱིམ་དང་རྗེའུ་རིགས་ཀྱི་ཁྱིམ་ནས་ཀྱང་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་
D3.005.0113a01.01ཏུ་འབྱུང་བར་བྱེད་ཅིང་། རྒྱལ་རིགས་ཀྱིས་ཀྱང་དེ་དག་ལ་མངོན་དུ་སྨྲ་བ་དང་། ཕྱག་བྱ་བ་དང་། ལྡང་བ་དང་། ཐལ་མོ་སྦྱར་བ་དང་། གདུད་པའི་ལས་བྱ་བར་འོས་པ་ཡིན་ལ། བྲམ་ཟེ་དང་། རྗེའུ་རིགས་དག་གིས་ཀྱང་དེ་དག་ལ་མངོན་དུ་སྨྲ་བ་དང་། ཕྱག་བྱ་བ་དང་།
D3.005.0113a02.01ལྡང་བ་དང་། ཐལ་མོ་སྦྱར་བ་དང་། གདུད་པའི་ལས་བྱ་བར་འོས་པ་ཡིན་ནོ། །དགེ་སློང་དག་དེ་ལ་དེའི་ཚེ་དེའི་དུས་ན་གང་གིས་དེའི་དང་པོར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་བླངས་པའི་སེམས་ཅན་དེ་ནི་དགེ་སློང་ནོར་ཅན་ཏེ། འདིས་དེའི་ཚེ་ཡང་
D3.005.0113a03.01འཇིག་རྟེན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་བུར་ཕྱུང་ངོ་། །འདིས་ད་ལྟར་ཡང་དགེ་སློང་གི་དགེ་འདུན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་བུར་ཕྱུང་ངོ་། །དགེ་
D3.005.0113a04.01སློང་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། འདོད་ཆགས་སྤང་བའི་ཕྱིར་འབད་པར་བྱའོ། །ཞེ་སྡང་སྤང་བའི་ཕྱིར་དང་། གཏི་མུག་སྤང་བའི་ཕྱིར་འབད་པར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་
D3.005.0113a05.01པ་དང་། ཚོར་བ་དག་གིས་ཉེན་པ་ལ་ནི་ལྟུང་བ་མེད་དོ། །ཕམ་པར་འགྱུར་བ་གཉིས་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་བརྒྱད་པ། ཕམ་པར་འགྱུར་བ་གསུམ་པའི་སྤྱི་སྡོམ་ལ། བྲན་པ་དང་ནི་བདག་ཉིད་དང་། །དུག་དང་རོ་ལངས་
D3.005.0113a06.01བསྲོ་གང་ངོ་།། །།སྡོམ་ལ། བྲན་པ་དང་ནི་སྐྱོང་བ་དང་། །མཆུ་ཅན་དང་ནི་ཤི་རི་ཀ། །ལྷུང་བཟེད་དང་ནི་ཆོས་གོས་དང་། །མངལ་ན་གནས་དང་ཚོང་དཔོན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་
D3.005.0113a07.01