完整藏文原文 · 德格版页 当前仅加载第 5 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཕྱིན་ཆད་ཚོང་པར་མི་འགྱུར་བ་དེ་འདྲ་བའི་ཁྲིམས་འཆར་གཞུག་གོ་སྙམ་དུ་སེམས་སོ། །ཇི་ཙམ་ན་ཡང་ཚོང་པ་དེ་དག་དེ་ཁོ་ན་བཞིན་དུ་འོངས་པ་དང་། ཉེ་{དགའས་,དགས་}སྨྲས་པ། ཤེས་ལྡན་དག་ཁྱེད་ཀྱིས་ཡང་དང་ཡང་དུ་ཁོ་བོ་བསླུས་པས། ད་ནི་གང་བྱ་བ་དེ་ལྟོས་ཤིག །
D3.005.0085b01.01དེ་དག་གིས་སྨྲས་པ། འཕགས་པ་བཟོད་པར་མཛོད་ཅིག །བདག་ཅག་ཚོང་པ་དག་ནི་རྟག་ཏུ་འཇལ་ཚོངས་ཀྱིས་སེམས་གཡེངས་པ་ལགས་པས་ད་ནི་སྔར་མཆིད་ཀྱིས་འཚལ་བ་གང་ལགས་པ་དང་། སླད་ཀྱིས་མཆིད་ཀྱིས་འཚལ་བ་གང་ལགས་པ་དེ་དང་གཞན་
D3.005.0085b02.01ཐམས་ཅད་ཀྱང་དབུལ་བར་བགྱིའོ། །ཉེ་{དགའས་,དགས་}གལ་ཏེ་འདི་དག་ལ་གཟུ་ལུམས་སུ་འཛུད་པར་བྱས་ན་ཤེས་པར་འགྱུར་གྱིས་མཐུན་པར་བརྗོད་པར་བྱའོ་སྙམ་དུ་ཤེས་ཤིང་རིག་ནས་སྨྲས་པ། བཞིན་{བཟངས་,བཟང་}དག་ངེས་པར་འབུལ་ལམ། འཕགས་པ་ངེས་པར་འབུལ་ལོ། །
D3.005.0085b03.01གལ་ཏེ་དེ་ལྟ་ན་ཁྱེད་ཅག་ལ་ཉེས་དམིགས་འགའ་ཞིག་བྱུང་བར་གྱུར་ཏམ། ཁོ་བོ་ཅག་ལ་ཡང་གཙུག་ལག་ཁང་གི་དྲུང་དུ་ཚོང་པ་དག་ཚོང་པ་མ་ཡིན་པར་རྣམ་པར་གཞག་པར་གྱུར་ན་མ་ལེགས་ཀྱིས་རེ་ཞིག་ལམ་ལྟ་བ་དེ་སྲིད་ཀྱི་བར་དུ་སྡོད་ཅིག །དེ་དག་སྡོད་པ་དང་ཉེ་
D3.005.0085b04.01དགའ་དེ་ན་ཤོ་གམ་པ་དག་གི་དྲུང་དུ་སོང་ངོ་། །དེའི་ཚེ་ན་ཤོ་གམ་པ་དག་ཤེས་ལྡན་དག་ཚོང་པ་ཤོ་གམ་འདྲལ་བ་དག་གིས་ཤོ་གམ་དྲལ་ཅིང་སྒེའུ་ཆུང་ནས་འཇུག་པས་ལོ་ཏང་འདུ་བ་མི་འབྱུང་ལ་དུས་ལ་ནི་བབ། རྒྱལ་པོ་ནི་གཏུམ་པས་བདག་ཅག་བུ་དང་། ཆུང་མ་དང་།
D3.005.0085b05.01རྩ་ལག་དང་བཅས་པ་བཙོན་རར་བཅུག་སྟེ་གསད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ་ཞེས་ཟེར་ཞིང་སེམས་ཁོང་དུ་ཆུད་ཅིང་འདུག་གོ། །དེ་དག་དེ་ལྟར་སེམས་ཁོང་དུ་ཆུད་ཅིང་འདུག་པ་ན་ཉེ་{དགའས་,དགས་}སྨྲས་པ། ཁྱེད་ཅག་ཅིའི་ཕྱིར། འདི་ལྟར་སེམས་ཁོང་དུ་
D3.005.0085b06.01ཆུད་ཅིང་འདུག །འཕགས་པ་ཇི་ལྟར་སེམས་ཁོང་དུ་ཆུད་ཅིང་མི་མཆི། ཚོང་པ་ཤོ་གམ་འདྲལ་བ་དག་གིས་ཤོ་གམ་དྲལ་ཅིང་སྒེའུ་ཆུང་ནས་འཇུག་པས་ལོ་ཏང་འདུ་བ་མི་འབྱུང་ལ་དུས་ལ་ནི་བབ། རྒྱལ་པོ་ནི་གཏུམ་པས་བདག་ཅག་བུ་དང་། ཆུང་མ་དང་། རྩ་ལག་དག་
D3.005.0085b07.01