完整藏文原文 · 德格版页 当前仅加载第 5 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེད་མོས་ཚལ་ལམ། འདུན་སའམ། ལྷའི་གནས་ཆེ་གེ་མོ་ནས་མཉན་ཡོད་དུ་འཇུག་པ་དེ་ལ་ཉེས་པ་བྱེད་པའི་ཤོ་གམ་ཅན་ཡིན་ནོ། །ཞེས་ཁྲིམས་སུ་བྱ་བ་རྣམ་པར་བཞག་པ་གང་ལགས་པ་དེ་ལྷ་ལ་བརྩན་ནམ་ཞེས་བརྗོད་པར་བྱའོ། །གལ་ཏེ་བརྩན་ནོ་ཞེས་ཟེར་ན།
D3.005.0086b01.01ལྷ་མཛོད་ཆེ་གེ་མོ་ཞིག་ན་སྒྲོམ་མཆིས་པ་དེ་ན་ཟངས་མའི་གླེགས་བུ་ལ་ཡི་གེ་བྲིས་པ་མཆིས་པ་དེ་ལྷས་གཟིགས་སུ་གསོལ་ཞེས་བརྗོད་པར་བྱའོ། །ཇི་ཙམ་ན་ཤོ་གམ་པ་དེ་དག་གིས་ཚོང་པ་ཤོ་གམ་འདྲལ་བ་དེ་དག་བཟུང་སྟེ་ནོར་ཐམས་ཅད་དང་བྲལ་བར་བྱས་པ་ན་ཚོང་པ་དེ་དག་
D3.005.0086b02.01གིས་སྨྲས་པ། ཤེས་ལྡན་དག་ཅིའི་ཕྱིར་ཁོ་བོ་ཅག་ནོར་ཐམས་ཅད་དང་བྲལ་བར་བྱེད། མཉན་ཡོད་ནི་ཀུན་ཤེས་པའི་ཤོ་གམ་ཅན་ཡིན་གྱི་ཉེས་པ་བྱེད་པའི་ཤོ་གམ་ཅན་ནི་མ་ཡིན་ནོ། །ཤོ་གམ་པ་དག་གིས་སྨྲས་པ། མཉན་ཡོད་ནི་ཉེས་པ་བྱེད་པའི་ཤོ་གམ་ཅན་ཡིན་གྱི་ཀུན་
D3.005.0086b03.01ཤེས་པའི་ཤོ་གམ་ཅན་ནི་མ་ཡིན་ནོ། །ཚོང་པ་དག་གིས་སྨྲས་པ། ཡུན་དེ་སྲིད་དུ་ཁོ་བོ་ཅག་ཚོང་པའི་ཐ་སྙད་བྱེད་བྱེད་ན་ལན་འགའ་ཡང་མཉན་ཡོད་ཉེས་པ་བྱེད་པའི་ཤོ་གམ་ཅན་མ་ཡིན་ན་ད་ཉེས་པ་བྱེད་པའི་ཤོ་གམ་ཅན་དུ་གྱུར་ཏམ། ཚུར་ཤོག་ཚོང་པའི་ཚོགས་ཀྱི་ནང་དུ་
D3.005.0086b04.01འདོང་ངོ་། །ཤོ་གམ་པ་དག་གིས་སྨྲས་པ། ཚོང་པའི་ཚོགས་ཀྱི་ནང་དུ་མི་འགྲོས་ཚུར་ཤོག །རྒྱལ་པོའི་ཕོ་བྲང་དུ་འདོང་ངོ་ཞེས་དེ་དག་འཁང་བཞིན་དུ་མཐུས་རྒྱལ་པོའི་ཕོ་བྲང་དུ་ཁྲིད་པ་དང་། དེ་དག་གིས་ཚོང་པའི་ཚོགས་ལ་ཤེས་ལྡན་དག་ཁོ་བོ་ཅག་ཤོ་གམ་པ་དག་གིས་ནོར་
D3.005.0086b05.01ཐམས་ཅད་དང་བྲལ་བར་བྱས་ཀྱིས་གྲོགས་གྱིས་ཤིག་ཅེས་ར་མདའ་ཟློག་པའི་སྐད་ཕྱུང་ངོ་། །ཚོང་པའི་ཚོགས་ཀྱང་དེ་དག་དང་ལྷན་ཅིག་རྒྱལ་པོའི་སྤྱན་སྔར་སོང་ནས། ལྷ་ཁྱོད་ཀྱི་རྒྱལ་སྲིད་ལ་ཤོ་གམ་པ་དག་གིས་ཚོང་པ་གློ་བུར་དུ་ལྷགས་པ་དག་ནོར་ཐམས་ཅད་དང་བྲལ་བར་
D3.005.0086b06.01བགྱིས་ཀྱིས་ཡོངས་སུ་བསྐྱབ་ཏུ་གསོལ་ཞེས་སྨྲས་སོ། །རྒྱལ་པོས་བློན་པོ་རྣམས་ལ་ཤེས་ལྡན་དག་ཤོ་གམ་པ་དག་ཁུག་ཤིག་ཅེས་བསྒོ་ནས་བློན་པོ་རྣམས་ཀྱིས་ཤོ་གམ་པ་དག་བཀུག་པ་དང་། རྒྱལ་པོས་སྨྲས་པ། ཤེས་ལྡན་དག་ཅིའི་ཕྱིར་ཁྱེད་ཀྱིས་ཚོང་པ་དག་ནོར་
D3.005.0086b07.01