完整藏文原文 · 德格版页 当前仅加载第 5 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྣམས་ཀྱི་ཁྱིམ་དག་གམ། ཆུའི་གནས་དག་ཏུ་རྩེད་མོའི་བྱ་འདི་ལྟ་སྟེ། ནེ་ཚོའམ། རི་སྐེགས་སམ། ཁུ་བྱུག་གམ། ཤང་ཤང་ཏེའུའམ། རྨ་བྱ་དག་བཞག་པ་དེ་དག་ལ་རྒྱན་སྣ་ཚོགས་འདི་ལྟ་སྟེ། མགུལ་གདུབ་དག་དང་། གདུ་བུ་རྒྱན་ཅན་དག་དང་། དཔུང་
D3.005.0064b01.01རྒྱན་དག་དང་། དོ་ཤལ་དག་དང་། སེ་མོ་དོ་དག་དང་། མུ་ཏིག་གི་ཆུན་པོ་དག་གིས་བརྒྱན་པ་ལ་དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། བྱ་འཛིན་པར་བྱེད་ཅིང་ཇི་སྲིད་དུ་རྒྱན་ལ་ནོམ་པར་མི་བྱེད། ཉུག་པར་
D3.005.0064b02.01མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད། ཉུག་པར་བྱེད་ཅིང་ཇི་སྲིད་དུ་གནས་ནས་གནས་སུ་སྦེད་པར་མི་བྱེད་ལ། དེ་འདི་སྙམ་དུ་བྱ་ལས་བརྐུ་བར་བྱའི་མི་ལས་མ་ཡིན་ནོ་སྙམ་དུ་སེམས་ན་ཉེས་བྱས་སུ་འགྱུར་རོ། །གནས་ནས་གནས་སུ་སྦེད་པར་བྱེད་
D3.005.0064b03.01ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །གལ་ཏེ་དེ་འདི་སྙམ་དུ་མི་ལས་བརྐུ་བར་བྱའི་བྱ་ལ་རྒྱན་ག་ལ་ཡོད་སྙམ་དུ་སེམས་ན། ཇི་སྲིད་དུ་གནས་ནས་གནས་སུ་སྦེད་
D3.005.0064b04.01པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གཏེར་གཉིས་པོ་བདག་པོ་དང་བཅས་
D3.005.0064b05.01པ་དང་། བདག་པོ་མེད་པ་ལས་དགེ་སློང་གིས་བདག་པོ་དང་བཅས་པའི་གཏེར་གྱི་ཕྱིར་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། དཀྱིལ་འཁོར་ཉུག་པར་བྱེད། ཕྱོགས་བཞིར་སེང་ལྡེང་གི་ཕུར་པ་འཛུགས་པར་བྱེད། ཚོན་སྐུད་སྣ་ལྔས་བསྐོར་ཏེ་མེ་སྦར་བར་བྱེད།
D3.005.0064b06.01ཡམ་སྲེག་ཤིང་འཛུད་པར་བྱེད། གསང་སྔགས་རྗོད་པར་བྱེད་ཅིང་། བདག་ལ་བདག་པོ་དང་བཅས་པའི་གཏེར་འོང་བར་གྱུར་ལ། བདག་པོ་མེད་པ་འོང་བར་མ་གྱུར་ཅིག་སྙམ་པ་ལས། གལ་ཏེ་དེ་ལ་བདག་པོ་དང་བཅས་པའི་གཏེར་འོང་བར་གྱུར་ཅིང་བདག་པོ་མེད་པ་
D3.005.0064b07.01