完整藏文原文 · 德格版页 当前仅加载第 5 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
གཡོན་ཅན་དག་གིས་བརྐུས་ཀྱི་ཐབས་དགོངས་ཤིག །བྲམ་ཟེ་ཡང་བརྒྱུགས་ཏེ། མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའི་གན་དུ་སོང་ནས་སྨྲས་པ། ལྷ་བདག་གི་བུ་དག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཕྲོགས་ཀྱིས་བུའི་སློང་མོ་སྩལ་དུ་གསོལ།
D3.005.0099b01.01རྒྱལ་པོ་གཟུགས་ཅན་སྙིང་པོས་རྒྱལ་བུ་གཞོན་ནུ་མ་སྐྱེས་དགྲ་ལ་བསྒོ་བ། སོང་ལ་བྲམ་ཟེའི་བུ་རྣམས་དང་། ཆོམ་རྐུན་པ་དག་མྱུར་དུ་ཁུག་ཤིག །མ་སྐྱེས་དགྲ་ཡུན་རིང་པོ་ནས་བྲམ་ཟེ་དེ་དང་། ནང་དང་བཅས་པར་གྱུར་པས་དེའི་མོད་ལ་མ་སོང་ངོ་། །དེ་ནས་ལྷ་གང་དག་
D3.005.0099b02.01ཚེ་དང་ལྡན་པ་པི་ལིན་དའི་བུ་ལ་མངོན་པར་དད་པ་དེ་དག་གིས་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་མཁྱེན་པར་མཛོད་ཅིག །ཁྱོད་ཀྱི་ཚ་བོ་དག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཕྲོགས་ཀྱིས་བརྩོན་པར་མཛད་དུ་གསོལ། ཚེ་དང་ལྡན་
D3.005.0099b03.01པ་པི་ལིན་དའི་བུས་གལ་ཏེ་ཁྱེའུ་དག་ལ་མ་བསམས་ན། རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང་། ཕ་མ་དག་ཀྱང་བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་དད་པ་དག་གིས་ཀྱང་
D3.005.0099b04.01གླགས་རྙེད་པར་འགྱུར་ཞིང་། དད་པ་རྣམས་ཀྱང་འདི་ལྟར་དོང་ངོ་ཅོག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་འཕྲོགས་པར་བྱེད་ན། ཕྱིན་ཆད་སུ་ཞིག་འོད་མའི་ཚལ་དུ་འགྲོ་བར་འགྱུར་ཞེས་གཞན་དུ་གྱུར་པ་ཉིད་དུ་འགྱུར་གྱིས་བདག་གིས་རྫུ་འཕྲུལ་རྣམ་པར་བསྟན་པར་
D3.005.0099b05.01བྱའོ་སྙམ་དུ་སེམས་ཤིང་རིག་ནས། ཚེ་དང་ལྡན་པ་པི་ལིན་དའི་བུ་རྫུ་འཕྲུལ་གྱིས་སོང་སྟེ་གྲུའི་དྲུང་དུ་འདུག་པ་དང་གྲུ་དེ་མི་འགུལ་བར་འདུག་གོ། །ཆོམ་རྐུན་པ་དག་གིས་ཅིའི་ཕྱིར་གྲུ་འདི་མི་འགུལ་བར་འདུག་སྙམ་དུ་བསམས་པ་དང་། ཚེ་དང་ལྡན་པ་པི་ལིན་དའི་
D3.005.0099b06.01བུ་གྲུ་དང་ཉེ་བ་ན་འདུག་པ་མཐོང་ངོ་། །མཐོང་ནས་ཀྱང་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་ཅིའི་སླད་དུ་ཐོ་འཚམ་པར་མཛད། རྒ་བའི་ཆོས་ཅན་དག་ཁོ་བོ་འབའ་ཞིག་ཐོ་འཚམ་པར་བྱེད་དམ། གལ་ཏེ་ཁོ་བོས་ཡོན་ཏན་གྱི་ཚོགས་
D3.005.0099b07.01