完整藏文原文 · 德格版页 当前仅加载第 5 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ན་ཚེ་དང་ལྡན་པ་མཽད་གལ་གྱི་བུ་ཆེན་པོས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ཁོ་བོ་ཅི་ཡང་མེད་པའི་སྐྱེ་མཆེད་ལ་
D3.005.0200b01.01སྙོམས་པར་ཞུགས་པས། རྫིང་བུ་དལ་གྱིས་འབབ་ཀྱི་འགྲམ་ན་གླང་པོ་ཆེ་གཙོ་བོ་རབ་ཏུ་མང་པོ་དག་གི་སྒྲ་སྐད་ཐོས་སོ། །དེའི་ཚེ་ན་ཚེ་དང་ལྡན་པ་ཉེ་དགའ་འཁོར་དེ་ཉིད་ན་འདུག་ཅིང་མཐུན་པར་གྱུར་ནས་དེས་སྨྲས་པ། ཚེ་དང་ལྡན་པ་མདོ་སྡེའི་མཐའ་ལ་གནོད་པ་མ་བྱེད་ཅིག །ཆོས་
D3.005.0200b02.01ཀྱི་ཁྲིད་བྱེད་རྣམ་པར་མ་དཀྲུགས་ཤིག །ཆོས་ཀྱི་མངལ་མ་རྟོལ་ཅིག །འདི་ལྟར་བདག་ཅག་ལ་རྟོགས་པ་མེད་ཀྱང་ཅི་ལུང་ཡང་མེད་དམ། བཅོམ་ལྡན་འདས་ཀྱིས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་པའི་གཟུགས་ཀྱི་འདུ་ཤེས་རྣམ་པར་གཞིག་ཅིང་སྒྲའི་འདུ་ཤེས་
D3.005.0200b03.01དང་བྲལ་ལོ་ཞེས་གསུངས་ན། དེའི་ཕྱིར་ཇི་ལྟར་གཟུགས་ཀྱི་འདུ་ཤེས་རྣམ་པར་བཤིག་ཅིང་སྒྲའི་འདུ་ཤེས་དང་བྲལ་བ་དེས་གཟུགས་དག་མཐོང་བར་འགྱུར་ཞིང་སྒྲ་དག་ཐོས་པར་འགྱུར་ཏེ་དེ་ནི་གནས་མེད་དོ། །ཁྱོད་ལྷུང་བཟེད་ནག་པོས་འཚོ་བར་མི་བྱེད་པས་དེས་ན་ཀུན་ཤེས་པ་བརྡ་
D3.005.0200b04.01སྤྲོད་པར་བྱེད་ཅིང་དེ་ཡང་འབྲས་བུ་མེད་པར་གྱུར་ཏེ། ཁྱོད་ཀྱིས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་ཀྱིས་ཁྱེད་ལ་ལྟུང་བ་བྱུང་བ་དེ་ཆོས་བཞིན་དུ་སླར་མཛོད་ཅིག་ཚེ་དང་ལྡན་པ་ལྟུང་བ་མ་མཐོང་ངོ་། །དྲུག་སྡེ་དག་གིས་སྨྲས་པ། ཚེ་དང་ལྡན་པ་
D3.005.0200b05.01དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ། །ཞེས་གསུངས་པས་དེའི་ཕྱིར་འདི་ལ་ཅིའི་ཕྱིར་ལྷག་པར་བཏང་སྙོམས་སུ་བྱ། ཁང་སྐྱོང་སུ་ཡིན། ཆེ་གེ་མོ་ཞིག་གོ། །བོས་ཤིག །བོས་སོ། །ཚེ་དང་ལྡན་པ་གཎྜཱི་རྡུངས་ཤིག །མཽད་
D3.005.0200b06.01གལ་གྱི་བུ་དོན་ཉུང་ངུ་ལ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པས་དེ་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ། །ཁང་སྐྱོང་དགེ་འདུན་གྱི་གནས་བརྟན་གྱི་གན་དུ་སོང་བ་དང་། དྲུག་སྡེ་དག་ཀྱང་དེ་དང་ལྷན་ཅིག་དོང་ངོ་། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་
D3.005.0200b07.01