完整藏文原文 · 德格版页 当前仅加载第 5 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་བདག་པོ་མེད་པར་འོང་བར་མི་འགྱུར་ན། ཇི་སྲིད་དུ་མིག་སྔར་སྣང་བར་མ་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གལ་ཏེ་མིག་སྔར་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་
D3.005.0065b01.01ཉེས་པ་སྦོམ་པོར་འགྱུར་རོ།། །།སྡོམ་ལ། ས་ཡི་གཅལ་དང་རྡོ་དང་ནི། །སྤང་ལེབ་དང་ནི་རྩིག་རྨང་དང་། །རྩིག་པ་སྟེང་དང་གཡོགས་མ་དང་། །རིམ་པ་ཆོས་གོས་གདང་ཁུང་དང་། །ཆོས་གོས་གདང་དང་ཟུང་དང་། །ལྕགས་སྒྱེད་ཁྲི་དང་ཁྲིའུ་དང་ནི། །ཨན་ཁྲི་དང་ནི་
D3.005.0065b02.01སྒོ་སྐྱེས་དང་། །ཤིང་ལྗོན་རྣམ་པ་གསུམ་པོ་ཡིན། །འདི་ལྟར་མི་རྣམས་ཀྱི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང་། གདུ་བུ་རྒྱན་ཅན་དག་དང་། དཔུང་རྒྱན་དག་དང་། དོ་ཤལ་དག་དང་། སེ་མོ་དོ་དག་དང་། མུ་ཏིག་གི་ཆུན་པོ་དག་ལས་གཅལ་བཏིང་བའི་སྟེང་ན་
D3.005.0065b03.01འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད་ཅིང་ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད། ཉུག་པར་བྱེད་ཅིང་ཇི་སྲིད་དུ་གནས་ནས་གནས་སུ་སྦེད་
D3.005.0065b04.01པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་གཅལ་དེ་རྩྭ་ཁ་དོག་གཅིག་པ་
D3.005.0065b05.01དག་གིས་བཀྲམ་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་རྩྭ་ཁ་དོག་སྣ་ཚོགས་དག་གིས་བཀྲམ་པ་ཡིན་ན་ཕྱོགས་ཐ་དད་པར་བརྗོད་པར་བྱའོ། །འདི་ལྟར་མི་རྣམས་ཀྱི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང་། གདུ་བུ་རྒྱན་ཅན་དག་དང་། དཔུང་
D3.005.0065b06.01རྒྱན་དག་དང་། དོ་ཤལ་དག་དང་། སེ་མོ་དོ་དག་དང་། མུ་ཏིག་གི་ཆུན་པོ་དག་རྡོའི་སྟེང་ན་འདུག་པ་ལ་དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད་ཅེས་བྱ་བ་ནས། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ་ཞེས་བྱ་བའི་བར་དུ་སྔ་མ་བཞིན་ནོ། །གལ་ཏེ་རྡོ་དེ་
D3.005.0065b07.01