完整藏文原文 · 德格版页 当前仅加载第 5 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རི་དྲུང་དང་། བས་མཐའ་དག་ཏུ་གནས་པར་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་{རི་དགས་,རི་དྭགས་}གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་
D3.005.0264b01.01བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང་། རྩེད་མོ་དག་ལས་དབེན་པར་བགྱི་འཚལ་ལོ། །སྲས་གཞོན་ནུ་ཚུར་སྤྱོན་བཞུགས་ལ་འདོད་པ་དག་ལ་
D3.005.0264b02.01ཡང་ཡོངས་སུ་སྤྱོད་ཅིག །སྦྱིན་པ་དག་སྩོལ་ཅིག །བསོད་ནམས་དག་ཀྱང་མཛོད་ཅིག །དེ་སྐད་ཅེས་སྨྲས་ཀྱང་གྱད་བུ་ནོར་ཅང་མི་སྨྲའོ། །དེ་ནས་གྱད་བུ་ནོར་གྱི་ནེའུ་ལྡངས་རྣམས་གྱད་བུ་ནོར་གྱི་ཕ་མ་གཉིས་ག་ལ་བ་དེར་སོང་སྟེ་ཕྱིན་ནས་གྱད་བུ་ནོར་གྱི་ཕ་མ་གཉིས་ལ་འདི་
D3.005.0264b03.01སྐད་ཅེས་སྨྲས་སོ། །ཡབ་ཡུམ་དག་མཁྱེན་པར་མཛོད་ཅིག །ཞི་བ་གཞོན་ནུ་གུམ་པས་ཅི་ཞིག་བགྱི། རབ་ཏུ་བྱུང་བ་ནི་མཁས་པས་བསྔགས་པ་ལགས་པས་གལ་ཏེ་རབ་ཏུ་བྱུང་ནས་མངོན་པར་དགའ་བར་གྱུར་ན་ཡང་དེ་གསོན་པོ་ཉིད་དུ་གཟིགས་པར་འགྱུར་ལ། མངོན་པར་
D3.005.0264b04.01དགའ་བར་མ་གྱུར་ན་ཡང་དྲང་སྲོང་དག་ནི་སླར་ལྡོག་པ་ལགས་པས་བུའི་གནས་ཕ་མ་གཉིས་མ་གཏོགས་པ་གཞན་སུ་ཞིག་མཆིས་པར་འགྱུར་གྱིས་རབ་ཏུ་བྱུང་ན་ལེགས་སོ། །དེ་ནས་གྱད་བུ་ནོར་གྱི་ཕ་མ་གཉིས་ཀྱིས་གྱད་བུ་ནོར་ལ་འདི་སྐད་ཅེས་སྨྲས་སོ། །བུ་གཞོན་ནུ་ཁྱོད་ལ་རབ་
D3.005.0264b05.01ཏུ་འབྱུང་བ་ལེགས་པར་བྱེད་པ་ཡིན་ལ། ཁྱིམ་ན་གནས་པ་ལེགས་པ་བྱེད་པ་མ་ཡིན་ནམ། ཡབ་ཡུམ་བདག་ལ་རབ་ཏུ་འབྱུང་བ་ལེགས་པ་བགྱིད་པ་ལགས་ལ། ཁྱིམ་ན་གནས་པ་ལེགས་པ་བགྱིད་པ་མ་ལགས་སོ། །བུ་གཞོན་ནུ་ད་དེའི་དུས་ལ་བབ་པར་ཤེས་པར་
D3.005.0264b06.01གྱིས་ཤིག །དེ་ནས་གྱད་བུ་ནོར་ཕ་མ་གཉིས་ཀྱིས་གནང་ནས་འབྲས་ཁུའི་རིམ་གྱིས་ལུས་ཀྱི་མཐུ་དང་། སྟོབས་དང་། བརྩོན་འགྲུས་བསྐྱེད་དེ་སྡིག་བྱུང་ནས་ཕྱིར་བྱུང་ནས་ཚེ་དང་ལྡན་པ་རྟ་ཐུལ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་
D3.005.0264b07.01