完整藏文原文 · 德格版页 当前仅加载第 5 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་བརྟན་སུ་ཡང་མི་བགྱིད་དེ། འདི་ལྟར་ཚེ་དང་ལྡན་པ་པི་ལིན་དའི་བུ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས། དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིད་དོ། །ཚེ་དང་ལྡན་པ་དགེ་སློང་གནས་བརྟན་ལ་ཐོ་མ་
D3.005.0101a01.01འཚམ་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཙོམ་ཐམས་ཅད་གཅོད་པར་མཛད་པ་ཡིན་གྱིས། དེའི་གན་དུ་སོང་ལ་ཞུས་ཤིག་དང་། བཅོམ་
D3.005.0101a02.01ལྡན་འདས་ཀྱིས་ཁྱེད་ཅག་ལ་ཇི་སྐད་ལུང་སྟོན་པར་མཛད་པ་དེ་དེ་བཞིན་དུ་ཟུང་ཤིག །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་
D3.005.0101a03.01ཀྱིས་ཚེ་དང་ལྡན་པ་པི་ལིན་དའི་བུ་ལ་བཀའ་སྩལ་པ། པི་ལིན་དའི་བུ་ཁྱོད་ཀྱིས་བསམ་པ་ཇི་ལྟ་བུས་རྫུ་འཕྲུལ་རྣམ་པར་བསྟན། བཙུན་པ་བདག་འདི་སྙམ་བགྱིད་དེ། གལ་ཏེ་ཁྱེའུ་དག་ལ་མ་བསམས་ན་རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་
D3.005.0101a04.01བསྔལ་ཉམས་སུ་མྱོང་བར་འགྱུར་ཞིང་ཕ་མ་དག་ཀྱང་བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་དད་པ་དག་གིས་ཀྱང་གླགས་རྙེད་པར་འགྱུར་ཞིང་། དད་པ་རྣམས་ཀྱང་འདི་ལྟར་དོང་ངོ་ཅོག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཕྲོགས་
D3.005.0101a05.01པར་བྱེད་ན། ཕྱིན་ཆད་སུ་ཞིག་འོད་མའི་ཚལ་དུ་འགྲོ་བར་འགྱུར་ཞེས་གཞན་དུ་གྱུར་པ་ཉིད་དུ་འགྱུར་གྱིས། བདག་གིས་རྫུ་འཕྲུལ་རྣམ་པར་བསྟན་པར་བགྱིའོ་སྙམ་དུ་བསམས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་པི་ལིན་དའི་བུས་བསམ་པ་
D3.005.0101a06.01དེ་ལྟ་བུས་རྫུ་འཕྲུལ་རྣམ་པར་བསྟན་པ་ལ་ལྟུང་བ་མེད་དོ།། །།འདུལ་བ་རྣམ་པར་འབྱེད་པ། བམ་པོ་བདུན་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །རྒྱལ་པོ་གཟུགས་ཅན་སྙིང་པོའི་ཀུན་ཏུ་
D3.005.0101a07.01