完整藏文原文 · 德格版页 当前仅加载第 5 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་ནས། བདག་ཅག་གིས་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་ཞུགས་པ་དང་། དེར་བདག་ཅག་ཡང་དང་ཡང་དུ་བུད་མེད་ཀྱི་ཡུལ་མཐོང་ཞིང་ཀུན་དགའ་ར་བ་པའི་དགེ་ཚུལ་རྣམས་དང་། ལྷན་ཅིག་འདྲེ་ཞིང་གནས་པ་དག་
D3.005.0185a01.01ལ་ཡང་ཉོན་མོངས་པ་དག་བྱུང་བར་གྱུར་ཏེ། འདོད་པ་ལ་འདོད་ཆགས་དང་། གནོད་སེམས་དག་རྒྱུད་ལ་ཀུན་དུ་བྱུང་བར་གྱུར་ན། བདག་ཅག་ལ་ཕམ་པར་གྱུར་པའི་ལྟུང་བ་བྱུང་བར་མ་གྱུར་ཏམ། ཚུར་ཤེག་བདག་ཅག་ཚེ་དང་ལྡན་པ་ཀུན་དགའ་བོ་ག་ལ་བ་དེར་འདོང་ཞིང་ཕྱིན་ནས་ཚེ་
D3.005.0185a02.01དང་ལྡན་པ་ཀུན་དགའ་བོ་ལ་དོན་དེ་ཡོངས་སུ་དྲི་བར་བྱ་སྟེ། བདག་ཅག་ལ་ཚེ་དང་ལྡན་པ་ཀུན་དགའ་བོས་ཇི་སྐད་དུ་ལུང་སྟོན་པར་འགྱུར་བ་དེ་ཁོ་ན་བཞིན་དུ་གཟུང་བར་བྱའོ་སྙམ་ནས། བདག་ཅག་ཚེ་དང་ལྡན་པ་ཀུན་དགའ་བོ་ལ་དོན་དེ་ཡོངས་སུ་འདྲི་ན། ཚེ་དང་ལྡན་པ་བདག་ཅག་
D3.005.0185a03.01ལ་ཕམ་པར་གྱུར་པའི་ལྟུང་བ་བྱུང་བར་མ་གྱུར་ཏམ། དེ་ནས་ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཁྲིད་དེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །
D3.005.0185a04.01མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བ་མཛད་དེ། ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་
D3.005.0185a05.01ལ་མིའི་ཆོས་བླ་མ་མཐའ་དང་། འཕགས་པ་དང་། བྱེ་བྲག་ཐོབ་པ་དང་། ཤེས་པ་དང་། མཐོང་བ་དང་། རེག་པར་སྤྱོད་པ་མེད་ལ་མེད་བཞིན་དུ་འདི་ཤེས་སོ། །འདི་མཐོང་ངོ་། །ཞེས་ཁས་འཆེས་པ་ལས་དེ་ལྟུང་བ་བྱུང་བ་རྣམ་པར་དག་པར་འདོད་ནས་དུས་གཞན་ཞིག་ན་
D3.005.0185a06.01དྲིས་ཀྱང་རུང་། མ་དྲིས་ཀྱང་རུང་འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་{བརྫུན་,རྫུན་}དུ་སྨྲས་སོ། །ཞེས་ཟེར་ན་དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་
D3.005.0185a07.01