完整藏文原文 · 德格版页 当前仅加载第 5 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་གྱི་སྲོག་འཕྲོག་པ། གཞན་གྱི་སྲོག་གཅོད་དུ་འཇུད་པ། གཞན་གྱི་སྲོག་གཅོད་པས་འཚོ་བར་བགྱིད་པ་རྣམས་ཀྱི་ལས་དེ་ལ་ངེས་པར་སྦྱར་ན་བདག་ཇི་ལྟར་སེམས་ཁོང་དུ་ཆུད་ཅིང་མི་མཆིས་སུ་རུང་། བུ་གཞོན་ནུ་གལ་ཏེ་དེ་ལྟ་ན་ཁྱོད་བདེ་བར་འདུག་ལ་བསམ་པ་ཐོང་སྟེ་ཕྱིན་ཆད་མ་
D3.005.0256b01.01འགྲོ་ཤིག །དེ་ནས་གཞོན་ནུ་དེ་སེམས་ཅན་ལ་གནོད་པ་ལས་སྐྱེས་པའི་ཡིད་མི་བདེ་བ་ལས་ངེས་པར་བྱུང་སྟེ་མངོན་པར་དགའ་བར་གྱུར་ནས་དེ་དགེ་བ་གང་ཡིན་ཞེས་ཚོལ་བས་ངེས་པར་འབྱུང་བའི་མངོན་པར་དགའ་བ་བཙལ་བར་བརྩམས་སོ། །དེའི་ཚེ་ན་རྫོགས་བྱེད་ལ་སོགས་པ་སྟོན་
D3.005.0256b02.01པ་དྲུག་པོ་ཐམས་ཅད་མཁྱེན་པ་མ་ཡིན་པར་ཐམས་ཅད་མཁྱེན་པར་མངོན་པའི་ང་རྒྱལ་ཅན་དག་སྡིག་བྱུང་ན་ཉེ་བར་རྟེན་ཅིང་གནས་སོ། །དེ་ནས་གཞོན་ནུ་གྱད་བུ་ནོར་གྱིས་ཕ་དང་ཆུང་མའི་འཁོར་ལ་མ་བལྟས་པར་འོད་སྲུང་རྫོགས་བྱེད་ག་ལ་བ་དེར་སོང་སྟེ་ཕྱིན་ནས། འོད་སྲུང་རྫོགས་བྱེད་
D3.005.0256b03.01ལ་འདི་སྐད་ཅེས་སྨྲས་སོ། །ཤེས་ལྡན་དག་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། རྫོགས་བྱེད་ཀྱིས་སྨྲས་པ། གཞོན་ནུ་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ་སྦྱིན་པ་མེད་དོ། །མཆོད་
D3.005.0256b04.01སྦྱིན་མེད་དོ། །སྦྱིན་སྲེག་མེད་དོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ། །ལེགས་པར་སྤྱད་པ་དང་ཉེས་པར་སྤྱད་པའི་ལས་རྣམས་ཀྱི་འབྲས་བུ་དང་། རྣམ་པར་སྨིན་པ་མེད་དོ། །འཇིག་རྟེན་འདི་ནི་མེད་དོ། །འཇིག་རྟེན་ཕ་རོལ་མེད་དོ། །མ་མེད་དོ། །ཕ་མེད་དོ། །
D3.005.0256b05.01སེམས་ཅན་རྫུས་ཏེ་སྐྱེས་པ་མེད་དོ། །འཇིག་རྟེན་ན་དགྲ་བཅོམ་པ་ཡང་དག་པར་རྟོགས་པ། ཡང་དག་པར་སྒྲུབ་པ། གང་དག་ཚེ་འདི་ཉིད་ལ་རང་གི་མངོན་པར་ཤེས་པས་འཇིག་རྟེན་འདི་དང་འཇིག་རྟེན་ཕ་རོལ་མངོན་སུམ་དུ་བྱས་ནས་བསྒྲུབས་ཏེ། བདག་ཅག་ནི་སྐྱེ་བ་ཟད་དོ། །ཚངས་
D3.005.0256b06.01པར་སྤྱད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་པ་དག་མེད་དོ། །སྲོག་ནི་འདི་ཉིད་ལ་འཚོ་ཞིང་དེ་ཕྱིས་ཆད་པར་འགྱུར། ཞིག་པར་འགྱུར་ཏེ་ཤི་བའི་འོག་ཏུ་མི་འབྱུང་ངོ་། །སྐྱེས་བུའི་ལུས་ནི་འབྱུང་བ་ཆེན་པོ་བཞི་ལས་གྱུར་པ་ཡིན་ཏེ། དེ་ནི་གང་གི་
D3.005.0256b07.01