完整藏文原文 · 德格版页 当前仅加载第 5 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དེའི་ནད་གཡོག་བྱེད་པ་ན་ཤི་རི་ཀ་སྡུག་བསྔལ་གྱི་ཚོར་བ་དག་གིས་ཉེན་ནས་བདག་རེ་ཞིག་ཚུལ་ཁྲིམས་དང་ལྡན་པས་བདག་ཡུལ་གཞན་དུ་སོང་ན་ལོ་ལེགས་ཤིང་མཐོ་རིས་ནི་དར་གྱིས་ཆོད་པ་ཙམ། ཐར་བ་ནི་ཡོལ་བས་བསྒྲིབས་པ་ཙམ་སྟེ། ལུས་
D3.005.0116a01.01ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་བས་རྣམ་པ་ཐམས་ཅད་དུ་བདག་ཉིད་གསད་པར་བྱའོ་སྙམ་དུ་སེམས་སོ། །ཡང་བདག་ཉིད་གསོད་པར་བྱེད་པ་ནི་སྡུག་བསྔལ་བ་ཡིན་གྱིས། གསོད་པ་བྱེད་པ་ཞིག་བཙལ་ལོ་སྙམ་དུ་སེམས་ཤིང་དེ་བདག་གི་སྲོག་གཅོད་
D3.005.0116a02.01པར་བྱེད་པ་སུ་ཡོད་སྙམ་དུ་དཔྱོད་པ་ལ་ཞུགས་པ་དང་། དེ་ལ་མཆུ་ཅན་གྱི་ཚ་བོ་གཉིས་དྲག་ཤུལ་ཅན་ལག་པ་དམར་བ། སྣུན་པ་དང་། རབ་ཏུ་སྣུན་པ་ལ་ཞུགས་པ་གཞན་གྱི་སྲོག་འཕྲོག་པ། གཞན་གྱི་སྲོག་གཅོད་དུ་འཇུད་པ། གཞན་གྱི་སྲོག་གཅོད་པས་
D3.005.0116a03.01འཚོ་བར་བྱེད་པ་ཡིན་པས་དེ་གཉིས་ཀྱིས་བདག་གསོད་པར་ནུས་ཀྱི། གཞན་སུས་ཀྱང་མི་ནུས་སོ་སྙམ་པའི་བློ་སྐྱེས་ཤིང་རིག་ནས། ཚེ་དང་ལྡན་པ་མཆུ་ཅན་ལ་སྨྲས་པ། ཚེ་དང་ལྡན་པ་མཆུ་ཅན་ཁྱོད་ཀྱི་ཚ་བོ་དེ་གཉིས་མི་སྣང་ན་གར་དོང་། མཆུ་ཅན་གྱིས་སྨྲས་པ།
D3.005.0116a04.01ཁྱོད་དེ་གཉིས་ཀྱི་མིང་མ་འཛིན་ཅིག །དེ་གཉིས་ནི་འདི་ལྟ་བུའི་སྡིག་པ་བྱེད་པ་ཡིན་ཏེ། དེ་གཉིས་ཁོ་བོས་དད་པས་སྦྱིན་པར་བྱ་བས་བསྐྱེད་བསྐྱེད་ན་དེ་གཉིས་ད་ཉེས་པར་སྤྱོད་པའི་ལས་བྱ་བ་ལ་ཞུགས་ཤིང་ཕའི་ལས་རྗེས་སུ་སྒྲུབ་པར་བྱེད་དེ། གཞན་གྱི་སྲོག་འཕྲོག་པར་
D3.005.0116a05.01བྱེད། གཞན་གྱི་སྲོག་གཅོད་པས་འཚོ་བར་བྱེད་དོ། །ཤི་རི་ཀས་སྨྲས་པ། དེ་གཉིས་ལ་ཀུན་ནས་མནར་སེམས་མ་སྐྱེད་ཅིག །དེ་ནི་འདུ་འཛིའི་རིག་པ་ཡིན་ཏེ། གང་གི་ཚེ་དེ་གཉིས་རྒྱལ་བྱེད་ཀྱི་ཚལ་ན་འཁོད་པ་དེའི་ཚེ་ན་དེ་གཉིས་ཀྱིས་གྲོག་སྦུར་ཕྲ་མོའི་སྲོག་ཀྱང་
D3.005.0116a06.01མ་བཅད་དོ། །དེ་གཉིས་དེ་ལྟ་བུ་དང་ལྷན་ཅིག་གནས་པས་དེ་ལྟ་བུའི་ཉེས་པར་སྤྱོད་པ་དག་བྱེད་ན་དེ་གཉིས་དེ་དག་དང་ཤིན་ཏུ་དབྲལ་བར་བྱ་ཞིང་། འདི་ལྟར་གང་གི་ཚེ་ཁྱོད་ག་ཤེད་དུ་འགྲོ་བ་དེའི་ཚེ་ན་ཁོ་བོ་སྲུང་བར་བྱེད་པ་འགའ་ཡང་མེད་པས་གལ་ཏེ་དེ་གཉིས་སྣང་ན་
D3.005.0116a07.01