完整藏文原文 · 德格版页 当前仅加载第 5 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེའི་སྲས་བདག་ཁྱོད་བྱོན་པས་མི་བདེ་བ་མ་མཆིས་ཏེ། འདི་ལྟར་རྗེའི་སྲས་ཀྱི་སྲུང་མ་གང་ལགས་པ་དེ་དག་ཉིད་རྐུན་མ་དག་ལགས་སོ། །ཅི་ཞིག་བྱས། བཀག་བཞིན་དུ་ཉེ་སྡེས་ནན་གྱིས་ཁོ་མོ་བདག་གིར་བགྱིས་སོ། །བཟང་མོ་དེ་ནི་དེས་ཁྱོད་ཟིལ་གྱིས་མནན་པ་མ་ཡིན་
D3.005.0122b01.01གྱིས་ཁོ་བོ་ཟིལ་གྱིས་མནན་པ་ཡིན་གྱིས་ལོངས་ཤིག་དང་ཁོ་བོས་དེ་ལ་མཚམས་གཅད་པར་བྱའོ། །བཟང་མོ་ཉེ་སྡེ་ག་ལ་འདུག །རྗེའི་སྲས་ཁྱོད་བྱོན་པ་ཐོས་ནས་རབ་ཏུ་བྱུང་ངོ་། །གང་དུ་རྒྱལ་བྱེད་ཀྱི་ཚལ་དུ་ཤཱཀྱའི་སྲས་ཀྱི་དགེ་སྦྱོང་རྣམས་ཀྱི་ནང་དུའོ། །བཟང་མོ་ཅི་
D3.005.0122b02.01དེ་འཇིགས་པ་མེད་པའི་གྲོང་ཁྱེར་ཡིན་ནམ། ཁོ་བོ་དེར་སོང་ལ་དེ་ལ་མཚམས་ཆེན་པོ་གཅད་པར་བྱའོ། །འཇིག་རྟེན་ནི་མཛའ་བཤེས་དང་། དགྲ་བོ་དང་། བར་མ་ཡིན་པས་ཁ་ཅིག་ཉེ་སྡེའི་དྲུང་དུ་སོང་སྟེ་སྨྲས་པ། ཉེ་སྡེ་ཁྱོད་ཀྱི་ཕུ་བོ་འོངས་སོ། །ཉེ་སྡེས་སྨྲས་པ་ཇི་སྐད་
D3.005.0122b03.01ཟེར། དེ་དག་གིས་སྨྲས་པ། ཅི་དེ་འཇིགས་པ་མེད་པའི་གྲོང་ཁྱེར་ཡིན་ནམ། ཁོ་བོ་དེར་ཡང་སོང་ལ་དེ་ལ་མཚམས་ཆེན་པོ་གཅད་པར་བྱའོ་ཞེས་ཟེར་རོ། །ཉེ་སྡེས་དེ་ཐོས་ནས་ཉམ་ང་བར་གྱུར་ཏེ་བསམས་པ། བདག་འཇིགས་པ་གང་གིས་རབ་ཏུ་བྱུང་བ་དེ་འདིར་ཡང་
D3.005.0122b04.01འབྱུང་བར་མི་འགྱུར་རམ། འདི་ལྟར་བདག་ཅག་རྒྱལ་པོས་གཞོན་ནུའི་ཡོངས་སུ་སྤང་བ་བྱིན་མོད་ཀྱི་འོན་ཀྱང་བདག་ཉེས་པ་དང་བཅས་པ་ཡིན་པས་གལ་ཏེ་བདག་ལ་འདིར་ཡང་གནོད་པ་བྱེད་པར་འགྱུར་བའི་གནས་ཡོད་ཀྱིས་བྲོས་ཏེ་འགྲོའོ་སྙམ་ནས། དེས་མཁན་པོ་
D3.005.0122b05.01ལ་མཁན་པོ་བདག་འཇིགས་པ་གང་གིས་རབ་ཏུ་བྱུང་བ་དེ་འདིར་ཡང་རྗེས་སུ་འབྲེལ་བར་གྱུར་ཏོ་ཞེས་བྱུང་བའི་མཐའ་དེ་རྒྱས་པར་བརྗོད་དོ། །མཁན་པོས་སྨྲས་པ། བུ་ཅི་ཉེས་མཁན་པོ་བདག་གི་ཕུ་བོ་དེ་མཆིས་ནས་ཏེ་པོར་མཆིད་འབོ་ཞིང་ཇི་དེ་འཇིགས་པ་མེད་པའི་
D3.005.0122b06.01གྲོང་ཁྱེར་ཡིན་ནམ། ཁོ་བོ་དེར་ཡང་སོང་ལ་དེ་ལ་མཚམས་ཆེན་པོ་གཅད་པར་བྱའོ་ཞེས་མཆིའོ། །འདི་ལྟར་བདག་ཅག་རྒྱལ་པོས་གཞོན་ནུའི་ཡོངས་སུ་སྤང་བ་སྩལ་མོད་ཀྱི་འོན་ཀྱང་བདག་ནོངས་པ་དང་བཅས་པ་ལགས་པས་གལ་ཏེ་ན་འདིར་ཡང་བདག་ལ་གནོད་
D3.005.0122b07.01