完整藏文原文 · 德格版页 当前仅加载第 5 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
ཁོ་བོའི་གན་དུ་ཐོང་ལ་དེ་གཉིས་ཁོ་བོ་སྲུང་དུ་ཆུག་ཤིག །ཇི་ཙམ་ན་མཆུ་ཅན་བསོད་སྙོམས་ལ་ཞུགས་པ་ན་དེའི་ཚ་བོ་དེ་གཉིས་ཚོང་འདུས་ན་ཤ་འཚོང་ཞིང་འདུག་པ་དེས་མཐོང་ནས། དེ་གཉིས་ལངས་ཏེ་དེའི་རྐང་པ་གཉིས་ལ་གཏུགས་པ་དང་། དེས་སྨྲས་པ། ཁྱེའུ་
D3.005.0116b01.01གཉིས་ཁོ་བོ་ཁྱེད་གཉིས་ཀྱི་ཅིར་འོང་། ཞང་པོར་མཆིའོ། །ཤི་རི་ཀ་ཅིར་འོང་། དེ་ཡང་ཞང་པོར་མཆིའོ། །དེ་དུས་དེ་སྲིད་དུ་ན་ན་ཁྱེད་གཉིས་དེ་ལ་ལྟར་མ་དོང་ངམ། ཞང་པོ་བདག་ཅག་གིས་མ་འཚལ་ཏོ། །ད་དེང་ཤིག །བདག་ཅག་གཉིས་ཀྱིས་བགྱི་བ་ཅི་མཆིས་
D3.005.0116b02.01དེ་ཅི་ཟེར་བ་དེ་བཞིན་དུ་གྱིས་ཤིག །དེ་གཉིས་ཚེ་དང་ལྡན་པ་ཤི་རི་ཀ་ག་ལ་བ་དེར་སོང་སྟེ་ཕྱིན་ནས་དེའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཤི་རི་ཀས་སྨྲས་པ། ཁྱེའུ་གཉིས་མཆུ་ཅན་ཁྱེད་གཉིས་ཀྱི་ཅིར་འོང་། ཞང་པོར་མཆིའོ། །ཁོ་བོ་ཅིར་
D3.005.0116b03.01འོང་། ཞང་པོར་མཆིའོ། །ཁོ་བོ་དུས་དེ་སྲིད་དུ་ན་ན་ཁྱེད་གཉིས་ཀྱིས་ཁོ་བོ་ལན་འགའ་ཡང་མ་བལྟས་སོ། །ཞང་པོ་བདག་ཅག་གཉིས་ཀྱིས་མ་འཚལ་ཏེ། བདག་ཅག་གཉིས་ཀྱིས་ད་གཟོད་ཐོས་ནས་དེའི་སླད་དུ་བདག་ཅག་གཉིས་མཆིས་སོ། །ཚ་བོ་གཉིས་ཁྱེད་གཉིས་
D3.005.0116b04.01ཁོ་བོ་ལྷ་རྣམས་ཀྱི་ནང་དུ་སྐྱེ་བར་འདོད་དམ། ཞང་པོ་བདག་ཅག་གཉིས་གཞན་ཡང་ལྷ་རྣམས་ཀྱི་ནང་དུ་སྐྱེ་བར་འཚལ་ན་ཞང་པོ་ལྟ་སྨོས་ཀྱང་ཅི་འཚལ། ཚ་བོ་གཉིས་གལ་ཏེ་དེ་ལྟ་ན་ཁོ་བོ་ཡུལ་གཞན་དུ་སོང་ན་ལོ་ལེགས་ཤིང་མཐོ་རིས་ནི་དར་གྱིས་ཆོད་པ་ཙམ། ཐར་
D3.005.0116b05.01པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་ན། བདག་ལ་རྩོམ་པར་བྱེད་པ་སྡུག་བསྔལ་བ་ཡིན་གྱིས། ཁྱེད་གཉིས་ཀྱིས་ཁོ་བོ་སོད་ཅིག །ཞང་པོ་གལ་ཏེ་གཞན་འགའ་ཞིག་གིས་ཁྱོད་དགྲོངས་པར་བགྱིད་ན་ཡང་
D3.005.0116b06.01བདག་ཅག་གཉིས་ཀྱིས་དེ་དགུམ་པར་བགྱི་ན་བདག་ཅག་གཉིས་ཀྱིས་ཞང་པོ་བཀྲོངས་པ་ལྟ་སྨོས་ཀྱང་ཅི་འཚལ། མཆུ་ཅན་གྱིས་ཁྱེད་གཉིས་ལ་ཇི་སྐད་བསྒོ། ཞང་པོ་ཅི་གསུང་བ་དེ་བཞིན་གྱིས་ཤིག་ཅེས་སོ། །ཚ་བོ་གཉིས་གལ་ཏེ་དེ་ལྟ་ན་ཁོ་བོ་འདི་སྐད་ཟེར་ཏེ།
D3.005.0116b07.01