完整藏文原文 · 德格版页 当前仅加载第 5 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་སྦྲོན་པར་འགྱུར། ཁོ་བོ་ཅག་ཉིད་ཀྱིས་ཤེས་མོད་ཀྱི་འོན་ཀྱང་ཁོ་བོ་ཅག་ཁྱེད་ལ་སྙིང་རྗེ་བས་ཡལ་བར་བོར་རོ། །ཁྱེད་ཅག་ཧ་ཅང་བྱ་བ་བྱེད་པར་བརྩམས་པས་དེས་ན་ཁོ་བོ་ཅག་མི་བཟོད་པ་སྐྱེས་སོ། །ཚོང་པ་དག་གིས་སྨྲས་པ། ཁྱེད་ལ་སྙིང་རྗེ་ག་ལ་ཡོད། སྨྲོས་ཤིག་
D3.005.0087b01.01དང་ཁོ་བོ་ཅག་ཁྱེད་དང་མཛའ་བོར་འགྱུར་རོ། །ཤོ་གམ་པ་དག་གིས་སྨྲས་པ། འཕགས་པ་དྲུག་སྡེ་དག་གིས་སོ། །ཚོང་པ་དེ་དག་ཤཱཀྱའི་སྲས་ཀྱི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་པ་ཡིན་ནོ། །བྲམ་ཟེའི་ཚུལ་ནི་ཚིག་པ་ཡིན་ཏེ། གང་ལ་དེ་ལྟར་གཞན་གྱི་འཚོ་
D3.005.0087b02.01བ་ལ་ཡང་གནོད་པར་བྱེད་དོ་ཞེས་སྨོད་པར་བྱེད། ཕྱར་ཀ་བཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཞན་གྱི་འཚོ་བ་ལ་གནོད་པར་མི་བྱའོ། །
D3.005.0087b03.01གནོད་པ་བྱེད་ན་འགལ་ཚབས་ཅན་དུ་འགྱུར་རོ།། །།སྡོམ་ལ། རྐང་མེད་དང་ནི་རྐང་གཉིས་དང་། །རྐང་བཞི་པ་དང་རྐང་{མངས་ཀྱི,མང་གི}། །སྡེ་ཚན་ཡང་དག་བསྡུས་པ་ཡིན། །རྐང་མེད་ཅེས་བྱ་བ་ནི་སྦྲུལ་དང་པད་པ་དང་། སྲོག་ཆགས་དྲིའུ་སྲིན་དག་གོ། །དེ་དག་ནི་གསུམ་གྱིས་
D3.005.0087b04.01སོགས་པར་བྱེད་དེ་སྦྲུལ་ཁས་སྡིགས་པ་དག་དང་། རྒྱལ་པོའི་སྨན་པ་དག་དང་། ཁ་ལུངས་པའི་ཡ་བ་ན་དག་གིས་སོ། །ཇི་ལྟར་སྦྲུལ་ཁས་སྡིགས་པ་དག་གིས་ཤེ་ན། འདི་ལྟར་སྦྲུལ་ཁས་སྡིགས་པ་དག་སྦྲུལ་ལ་བརྟེན་ཏེ་འཚོ་བར་བྱེད་པ་སྟེ། དེ་ལྟར་སྦྲུལ་ཁས་སྡིགས་པ་དག་
D3.005.0087b05.01གིས་སོ། །ཇི་ལྟར་རྒྱལ་པོའི་སྨན་པ་དག་གིས་ཤེ་ན། འདི་ལྟར་རྒྱལ་པོའི་སྨན་པ་དག་པད་པ་ལ་བརྟེན་ཏེ་འཚོ་བར་བྱེད་པ་སྟེ། དེ་ལྟར་རྒྱལ་པོའི་སྨན་པ་དག་གིས་སོ། །ཇི་ལྟར་ཁ་ལུངས་པའི་ཡ་བ་དག་གིས་ཤེ་ན། འདི་ལྟར་ཁ་ལུངས་པའི་ཡ་བ་ན་དག་སྲོག་ཆགས་དྲིའུ་སྲིན་
D3.005.0087b06.01དག་བག་བྱེ་སོན་པར་བྱེད། ས་འབྱིན་པར་བྱེད་ཅིང་སླ་ང་ལ་རྔོད་པར་བྱེད་དེ་དེ་དག་དེ་འཆའ་ཞིང་མྱོས་པར་འགྱུར་བའི་བཏུང་བ་རྣམ་པ་དུ་མ་འཐུང་བར་བྱེད་དེ། དེ་ལྟར་ཁ་ལུངས་པའི་ཡ་བ་ན་དག་གིས་སོ། །དགེ་སློང་གིས་སྲོག་ཆགས་རྐང་མེད་དག་རྐུ་བར་བྱེད་ན། སྲོག་ཆགས་
D3.005.0087b07.01