完整藏文原文 · 德格版页 当前仅加载第 5 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
པ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྟོབས་བཅུའི་སྟོབས་དང་ལྡན་པ། མི་འཇིགས་པ་བཞིས་བསྙེངས་པ་མི་མངའ་བ། ཁྱུ་མཆོག་རླབས་པོ་ཆེའི་གནས་སུ་དམ་འཆའ་བ། འཁོར་གྱི་ནང་དུ་སེང་གེའི་སྒྲ་
D3.005.0207b01.01ཡང་དག་པར་སྒྲོག་པ་གང་ཡིན་པ་དེའི་ཡིན་གྱིས་འདིར་ཞབས་ལ་ཕྱག་དག་འཚོལ་ཅིག །འདི་ནི་ཚེ་དང་ལྡན་པ་ཀུན་ཤེས་ཀཽཎྜི་ནྱའི་གཙུག་ལག་ཁང་སྟེ། བཅོམ་ལྡན་འདས་ཀྱིས་འཇིག་རྟེན་མི་ཤེས་པའི་མུན་པ་དང་། འདྲེན་པ་མེད་པ་དང་། ཡོངས་སུ་འདྲེན་པ་མེད་པ་ན་དེའི་དང་
D3.005.0207b02.01པོར་ཡེ་ཤེས་ཀྱི་མིག་སྨན་གྱི་ཐུར་མས་གང་གི་ཆོས་ཀྱི་མིག་རྣམ་པར་སྦྱངས་པ། བཅོམ་ལྡན་འདས་ཀྱིས་གནས་བརྟན་རྣམས་དང་། རྒྱལ་ཚབ་ལྟ་བུ་རྣམས་དང་། ཡུན་རིང་པོ་ནས་རབ་ཏུ་བྱུང་བ་རྣམས་དང་། ཚངས་པར་སྤྱོད་པ་མངོན་པར་སྤྱད་པ་རྣམས་དང་། སྣམ་སྦྱར་
D3.005.0207b03.01གྱི་རྒྱལ་མཚན་ཐོགས་པ་རྣམས་ཀྱི་མཆོག་ཏུ་ལུང་བསྟན་པ་གང་ཡིན་པ་གང་གི་རྒྱུད་ལ་དེའི་དང་པོར་བཅོམ་ལྡན་འདས་ཀྱིས་འཇིག་རྟེན་དུ་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པ་འམ། སུས་ཀྱང་ཆོས་དང་མཐུན་པར་བསྐོར་མི་ནུས་པ་ཆོས་དང་ལྡན་པའི་
D3.005.0207b04.01ཆོས་ཀྱི་འཁོར་ལོ་སྐྱེ་བོ་མང་པོའི་དོན་དང་། སྐྱེ་བོ་མང་པོ་ལ་ཕན་པ་དང་། བདེ་བ་དང་། འཇིག་རྟེན་ལ་རྗེས་སུ་ཐུགས་བརྩེ་བ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་། བདེ་བའི་ཕྱིར་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བ་དེའི་ཡིན་གྱིས་འདིར་ཡང་
D3.005.0207b05.01ཞབས་ལ་ཕྱག་དག་འཚོལ་ཅིག །འདི་ནི་ཚེ་དང་ལྡན་པ་འོད་སྲུང་ཆེན་པོའི་གཙུག་ལག་ཁང་སྟེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་རྨོན་པ་དོར་སྟོང་དུ་གཅིག་གིས་མཆོག་པ་སྤངས་ཏེ་རབ་ཏུ་བྱུང་བ་དབྱིག་བྱེ་བ་ཕྲག་དྲུག་བཅུ་དང་ལྡན་པ། གསེར་གྱི་ནས་བང་ཆུང་བརྒྱད་བཅུ་བདོག་པ།
D3.005.0207b06.01བྲན་གྱི་གྲོང་ཁྱེར་{བཅྭ་,བཅོ་}བརྒྱད་བདོག་པ། སྦྱོར་བའི་གྲོང་བཅུ་དྲུག་བདོག་པ། སེར་སྐྱ་བཟང་མོ་ལུས་གསེར་བས་ལྷག་པ་དང་ལྡན་པ་མཆིལ་མའི་ཐལ་བ་སྨིན་པ་ལྟར་སྤངས་ཏེ་མཚན་མོའི་ཐུན་ཐ་མ་ལ་རས་སྦྱར་མའི་སྣམ་སྦྱར་རིན་ཐང་འབུམ་རི་བ་ཐོགས་ཏེ་འཇིག་རྟེན་ན་དགྲ་བཅོམ་པ་གང་
D3.005.0207b07.01