完整藏文原文 · 德格版页 当前仅加载第 5 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་སྐབས་སུ་ནོར་སྒྲུབ་པ་མཛོད་ཅིག །མཛེས་{དགའས་,དགས་}བང་ཆེན་དེ་ལ་སྨྲས་པ། ཀྱེ་ཁྱོད་སོང་ཤིག་དང་འོང་ངོ་། །བང་ཆེན་དེ་སོང་སྟེ་ཚོང་པ་རྣམས་ལ་སྨྲས་པ། དེད་དཔོན་གྱི་ཞལ་ནས་སོང་ཤིག་དང་འོང་ངོ་ཞེས་གསུང་ངོ་། །ཚོང་པ་དེ་དག་འདུས་ཏེ། སྡོད་པ་ན་མཛེས་
D3.005.0042a01.01དགའ་ཐོགས་ནས། ཚོང་པ་དེ་དག་ཐམས་ཅད་འདུས་ཏེ་འཇུད་མཐུན་མའི་ཁྱིམ་དུ་དོང་ནས་ཚོང་པ་དེ་དག་གིས་སྒོར་བསྡད་དེ། མི་ལ་སྨྲས་པ། ཀྱེ་ཁྱོ་ག་སོང་ལ་དེད་དཔོན་ལ་ཚོང་པའི་ཚོགས་རྣམས་སྒོ་ན་སྡོད་ཅིང་དེད་དཔོན་བལྟ་བར་འཚལ་ལོ། །ཞེས་གྱིས་ཤིག །མི་དེས་སོང་སྟེ་མཛེས་
D3.005.0042a02.01དགའ་ལ་བརྗོད་ནས་མཛེས་{དགའས་,དགས་}འབྱུང་བར་བརྩམས་པ་དང་། ཡང་གཟུགས་འཚོང་མ་བཟང་མོས་གོས་ཀྱི་མཐའ་ནས་བཟུང་སྟེ་སྨྲས་པ། རྗེའི་སྲས་ཚོང་པ་དེ་དག་ཀྱང་བདག་དང་ལྷན་ཅིག་དགའ་མགུར་སྤྱོད་འཚལ་ཏེ། དེ་དག་དང་ལྷན་ཅིག་དགའ་མགུར་སྤྱད་དུ་ག་ལ་རུང་བཞུགས་
D3.005.0042a03.01ཤིག །འདོད་པ་དག་ནི་བསྟེན་པ་ན་ཀུན་དུ་སྦྱོར་བ་དག་འཕེལ་བར་བྱེད་པ་ཡིན་པས་མཛེས་{དགའས་,དགས་}སྨྲས་པ། གང་གི་ཚེ་ཁོ་བོ་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་འབྱུང་བར་འགྱུར་རོ། །མི་དེས་སོང་སྟེ་ཚོང་པའི་ཚོགས་རྣམས་ལ་སྨྲས་པ། དེད་དཔོན་གྱི་ཞལ་ནས་
D3.005.0042a04.01གང་གི་ཚེ་ཁོ་བོ་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་འབྱུང་ངོ་ཞེས་གསུང་ངོ་། །ཚོང་པ་དག་གིས་སྨྲས་པ། ཀྱེ་མ་མཛེས་དགའ་འདི་བྱ་བ་མ་ཡིན་པ་ལ་ཞུགས་ཀྱིས་འདོང་ངོ་ཞེས་དེ་དག་གིས་ཟོང་རྣམ་པར་སྤངས་ནས་རིན་བླངས་ཏེ་འཕགས་སོ། །དེ་ནས་མི་གང་གིས་ཉི་མ་
D3.005.0042a05.01རེ་རེ་ཞིང་བཟང་མོ་ལ་ཀཱར་ཥཱ་པ་ཎ་ལྔ་བརྒྱ་ལྔ་བརྒྱ་ཕུལ་བར་གྱུར་པ་དེས་ཕྱིན་ཆད་འབུལ་བར་མི་བྱེད་དོ། །དེ་ནས་དུས་གཞན་ཞིག་ན་བཟང་མོས་མི་དེ་ལ་དྲིས་ཤིང་སྨྲས་པ། ཀྱེ་ཁྱོ་ག་ཅིའི་ཕྱིར་ཕྱིན་ཆད་ཀཱར་ཥཱ་པ་ཎ་དག་འབུལ་བར་མི་བྱེད། དེས་སྨྲས་པ། དོན་མཐུན་དག་དོང་བས་
D3.005.0042a06.01བདག་གིས་ག་ལས་དབུལ། ཅི་དོན་མཐུན་དག་གིས་མཛེས་དགའི་ཟོང་ཡང་ཁྱེར་རམ། ཁྱེར་རོ། །བཟང་མོས་མཛེས་དགའ་དང་ལྷན་ཅིག་ཉི་མ་གཉིས་སམ། གསུམ་དགའ་མགུར་སྤྱད་ནས་སྨྲས་པ། རྗེའི་སྲས་བདག་ལ་ཞིང་ཡང་མ་མཆིས། ལས་ཀྱི་མཐའ་བགྱིད་པ་དག་ཀྱང་
D3.005.0042a07.01