完整藏文原文 · 德格版页 当前仅加载第 5 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ཤིག །དེས་སྨྲས་པ། བདག་གིས་ཉེས་པར་མ་སྤྱད་དེ་འདི་ལྟར་བདེན་སྨྲ་མས་བསླུས་པ་དེས་ཡང་དག་པ་མ་ཡིན་པས་སྐུར་ཏེ་དེ་ནི་བདེན་སྨྲ་མ་ཡིན་གྱི་{བརྫུན་,རྫུན་}སྨྲ་ཡིན་ནོ། །དེ་ཇི་ལྟར་ཤེས། གལ་ཏེ་ཁྱེད་གཉིས་ཡིད་མི་ཆེས་ན་སྡུམ་ཚེས་ཀྱི་སྐྱེ་བོ་
D3.005.0280a01.01དག་ཁྱེད་གཉིས་ལ་སྨྲ་བར་འགྱུར་བས་དེ་དག་ཆེ་བཞི་ཡིན་ནོ། །དེ་གཉིས་འཇིག་རྟེན་དག་ཁ་ཟེར་བས་འཇིགས་པས་སོང་སྟེ་ཁྱིམ་བདག་དེའི་སྡུམ་ཚེས་ཀྱི་སྐྱེ་བོ་དག་ལ་དྲིས་པ་དང་། དེ་དག་ན་རེ་འདི་ནི་ཉེས་པར་སྤྱོད་པ་མ་ཡིན་གྱི་འདི་ལྟར་བདེན་སྨྲ་མས་བསླུས་པ་དེས་ཡང་དག་པ་
D3.005.0280a02.01མ་ཡིན་པས་སྐུར་ཏེ་དེ་ནི་བདེན་སྨྲ་མ་ཡིན་གྱི་{བརྫུན་,རྫུན་}སྨྲ་ཡིན་ནོ་ཞེས་ཟེར་རོ། །དེ་ནས་དེ་གཉིས་བདེན་སྨྲ་ལ་ཁྲོ་བའི་ཀུན་ནས་དཀྲིས་པ་སྐྱེས་ནས་ཉེ་དུའི་ཚོགས་སྙིང་དུ་སྡུག་པ་དག་ལ་ཇི་ལྟར་གྱུར་པ་གོ་བར་བྱས་ནས། སྲིང་མོ་དེ་རང་གི་ཁྱིམ་ན་བསྲེལ་ཞིང་དེ་ལ་ཡང་ཀླན་ཀ་བཙལ་བ་
D3.005.0280a03.01ལྷུར་ལེན་ཅིང་འཁོད་དོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང་། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ་། །
D3.005.0280a04.01ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་ཞིང་འགྲོ་བ་ན། རི་བྲགས་དེར་ཕྱིན་ནས། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་བསོད་སྙོམས་རྒྱུ་ཞིང་ཁྱིམ་རིམ་གྱིས་འགྲོ་བ་ན་ལྷ་དང་མིའི་ཡིད་སྡུད་པར་བྱེད་པའི་སྤྱོད་ལམ་ཞི་བས་ཁྱིམ་དེར་ཞུགས་པ་དེ་བདེན་
D3.005.0280a05.01སྨྲས་ཡང་དག་པ་མ་ཡིན་པས་སྐུར་པའི་ཆུང་མ་དེས་མཐོང་ནས། དེས་བསམས་པ། རབ་ཏུ་བྱུང་བ་འདིའི་སྤྱོད་ལམ་འདི་འདྲ་བ་ལས་ན་འདི་ནི་བརྟུལ་ཞུགས་གྲུབ་པ་བདག་ཉིད་ཆེན་པོ་ཡིན་ཏེ། གང་དག་གིས་འདི་ལ་མཆོད་པ་བྱས་ཤིང་སྨོན་ལམ་འདེབས་པར་བྱེད་པ་དེ་དག་
D3.005.0280a06.01གང་སེམས་པ་དང་། གང་འདོད་པ་དེ་ནི་དེ་དག་ལ་ཐམས་ཅད་འགྲུབ་པར་འགྱུར་རོ་སྙམ་དུ་རིག་ནས་དེས་དེའི་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ་ཁྱོད་ནི་བསོད་སྙོམས་བཞེད་པ་ལགས་ལ་བདག་ནི་བསོད་ནམས་འཚལ་བ་ལགས་ཀྱིས་འདི་ཉིད་དུ་གདུགས་
D3.005.0280a07.01