完整藏文原文 · 德格版页 当前仅加载第 5 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་པ་དང་། གཡོག་དེ་དག་ཡང་དང་ཡང་དུ་རྒྱལ་པོའི་ཕོ་བྲང་དུ་ལས་བྱེད་དུ་བཅུག་ནས། དེ་དག་གིས་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་བདག་ཅག་འཕགས་པ་དག་གི་ཞབས་འབྲིང་བར་ཕུལ་བ་ནི། བདག་ཅག་གློ་བ་དགའ་ན་ཅིའི་
D3.005.0102b01.01སླད་དུ་བདག་ཅག་ཡང་དང་ཡང་དུ་རྒྱལ་པོའི་ཕོ་བྲང་དུ་སུག་ལས་བགྱིད། བཞིན་{བཟངས་,བཟང་}དག་འཁྲུག་ལོང་མ་བྱེད་ཅིག་དང་། ཁོ་བོས་རྒྱལ་པོ་ལ་གསོལ་བར་བྱའོ། །ཇི་ཙམ་དུས་གཞན་ཞིག་ན་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་ཚེ་དང་ལྡན་པ་
D3.005.0102b02.01པི་ལིན་དའི་བུའི་དྲུང་དུ་འོངས་ཏེ་རྐང་པ་ལ་ཕྱག་འཚལ་ནས། ཚེ་དང་ལྡན་པ་པི་ལིན་དའི་བུའི་མདུན་དུ་འདུག་པ་དང་། ཚེ་དང་ལྡན་པ་པི་ལིན་དའི་བུས་སྨྲས་པ། རྒྱལ་པོ་ཆེན་པོ་ཁྱོད་དགེ་འདུན་གྱི་དོན་དུ་གཡོག་དག་ཕུལ་བས་འགྱོད་པར་མ་གྱུར་ཏམ། འཕགས་པ་བདག་ལ་
D3.005.0102b03.01འགྱོད་པ་འགའ་ཡང་མ་མཆིས་སོ། །འོ་ན་ཅིའི་ཕྱིར་གཡོག་དེ་དག་ཡང་རྒྱལ་པོའི་ཕོ་བྲང་དུ་ལས་བྱེད་དུ་བཅུག །རྒྱལ་པོས་སྟན་དེ་ཉིད་ལ་འདུག་བཞིན་དུ་བློན་པོ་རྣམས་ལ་བསྒོ་བ། ཤེས་ལྡན་དག་འཕགས་པ་རྣམས་ཀྱི་ཞབས་འབྲིང་བ་དག་ཕྱིན་ཅད་རྒྱལ་པོའི་ཕོ་བྲང་
D3.005.0102b04.01དུ་ལས་བྱེད་དུ་མ་གཞུག་ཤིག །བློན་པོ་རྣམས་ཀྱིས་གང་ཡང་རུང་བ་དག་ལ་རྒྱལ་པོའི་ཕོ་བྲང་དུ་ལས་གྱིས་ཤིག་ཅེས་བསྒོ་བ་ན། དེ་དག་ན་རེ་བདག་ཅག་འཕགས་པ་དག་གི་ཡིན་ནོ་ཞེས་ཟེར་ནས། བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་གང་ལ་ཡང་མཆིད་
D3.005.0102b05.01སྩལ་བར་རྔོ་མ་ཐོག་སྟེ། གང་ཡང་རུང་བ་དག་ལ་རྒྱལ་པོའི་ཕོ་བྲང་དུ་སུག་ལས་ཚོལ་ཅིག་ཅེས་བགྱིས་ན། དེ་དག་བདག་ཅག་འཕགས་པ་རྣམས་ཀྱི་ལགས་སོ་ཞེས་མཆིའོ། །རྒྱལ་པོས་སྨྲས་པ། སོང་ལ་ཐམས་ཅད་ལས་བྱེད་དུ་ཆུག་ཤིག །དེ་དག་ཐམས་ཅད་
D3.005.0102b06.01ཡང་རྒྱལ་པོའི་ཕོ་བྲང་དུ་ལས་བྱེད་དུ་བཅུག་ནས། དེ་དག་གིས་ཡང་ཚེ་དང་ལྡན་པ་པི་ལིན་དའི་བུ་ལ་སྨྲས་པ། འཕགས་པ་བདག་ཅག་ཡང་དེ་ཁོ་ན་བཞིན་དུ་རྒྱལ་པོའི་ཕོ་བྲང་དུ་སུག་ལས་བགྱིད་དུ་སྩལ་ན། འཕགས་པས་མ་གསོལ་ཏམ། བཞིན་{བཟངས་,བཟང་}དག་གསོལ་
D3.005.0102b07.01