完整藏文原文 · 德格版页 当前仅加载第 5 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དགའ་བོས་བདག་ཅག་ལ་ཇི་སྐད་ལུང་སྟོན་པར་འགྱུར་བ་དེ་དེ་ཁོ་ན་བཞིན་དུ་གཟུང་བར་བྱའོ་ཞེས་ཟེར་རོ། །དེ་ནས་འཁོར་དེ་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །
D3.005.0167a01.01འཕགས་པ་ཀུན་དགའ་བོ་བཅོམ་ལྡན་འདས་ཀྱིས་བཀའ་སྩལ་པས། སྔོན་གྱི་སྐྱེ་བ་དྲན་པར་བགྱིས་ཤིང་མིའི་སྐད་ཀྱང་རྗོད་པར་བགྱིད་ལ། བཅོམ་ལྡན་འདས་དང་ཐབས་ཅིག་སྨྲ་བར་བགྱིད་པ་འདི་སུ་ཞིག་ལགས། ཀུན་དགའ་བོས་སྨྲས་པ། ཤེས་ལྡན་དག་བཅོམ་
D3.005.0167a02.01ལྡན་འདས་ཉིད་ལ་དོན་དེ་ཞུས་ཤིག །འཕགས་པ་ཀུན་དགའ་བོ་སངས་རྒྱས་བཅོམ་ལྡན་འདས་རྣམས་ནི་བསྟེན་པར་དཀའ་བ་དང་། བཟོད་པར་དཀའ་བ་ལགས་པས་བདག་ཅག་གིས་བཅོམ་ལྡན་འདས་ལ་དོན་དེ་ཞུ་བར་རྔོ་མི་ཐོག་གོ། །ཤེས་ལྡན་དག་ཁོ་བོ་ལ་ཡང་
D3.005.0167a03.01སངས་རྒྱས་བཅོམ་ལྡན་འདས་རྣམས་ནི་བསྟེན་པར་དཀའ་བ་དང་། བཟོད་པར་དཀའ་བ་ཡིན་པས་ཁོ་བོས་ཀྱང་བཅོམ་ལྡན་འདས་ལ་དོན་དེ་ཞུ་བར་མི་ནུས་མོད་ཀྱི། འོན་ཀྱང་ཁྱེད་ཀྱི་དོན་དུ་ཞུ་བར་བྱའོ་ཞེས་སྨྲས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་
D3.005.0167a04.01ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་བཀའ་སྩལ་པས་སྔོན་གྱི་སྐྱེ་བ་དྲན་པར་བགྱིས་
D3.005.0167a05.01ཤིང་མིའི་སྐད་ཀྱང་རྗོད་པར་བགྱིད་ལ། བཅོམ་ལྡན་འདས་དང་ཐབས་ཅིག་སྨྲ་བར་བགྱིད་པ་འདི་སུ་ཞིག་ལགས། ཀུན་དགའ་བོ་འདི་ནི་ཆུ་སྲིན་ཉའི་རིགས་ཡིན་ནོ། །ཀུན་དགའ་བོ་ཁྱོད་ཆུ་སྲིན་ཉའི་རིགས་ཀྱི་སྔོན་གྱི་ལས་ཀྱི་རྒྱུ་བ་ལས་བརྩམས་ཏེ་ཆོས་དང་ལྡན་པའི་གཏམ་ཉན་
D3.005.0167a06.01པར་འདོད་དམ། བཅོམ་ལྡན་འདས་ཀྱིས་ཆུ་སྲིན་ཉའི་རིགས་ཀྱི་སྔོན་གྱི་ལས་ཀྱི་རྒྱུ་བ་ལས་བརྩམས་ཏེ་དགེ་སློང་རྣམས་དང་སྐྱེ་བོའི་ཚོགས་ལ་ཆོས་དང་ལྡན་པའི་བཀའ་མཆིད་བཀའ་སྩལ་པར་གྱུར་ན། བཅོམ་ལྡན་འདས་ལས་ཐོས་ནས་དགེ་སློང་རྣམས་དང་སྐྱེ་བོའི་ཚོགས་དག་
D3.005.0167a07.01