完整藏文原文 · 德格版页 当前仅加载第 5 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་འདྲི་བར་བྱེད་པས་སོ། །ཇི་ལྟར་ཡོངས་སུ་འདྲི་བར་བྱེད་པས་ཤེ་ན། དགེ་སློང་གིས་
D3.005.0218a01.01དྲལ་ཅིང་གྱུར་པའི་སེམས་ཀྱིས་བུད་མེད་དམ། གཞོན་ནུ་མ་ལེགས་པར་སྨྲས་པ་དང་ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ་འདི་སྐད་ཅེས་སྲུ་སྐྱེས་པ་གང་བུད་མེད་དང་དེ་དང་དེ་བྱེད་པ་དེ་ནི་དེའི་དགའ་བ་དང་། ཡིད་དུ་འོང་བར་འགྱུར་
D3.005.0218a02.01ན། ཁོ་བོས་ཀྱང་སྲུ་ལ་དེ་དང་དེ་བྱ་ན་སྲུ་ཁོ་བོ་ལ་དགའ་བ་དང་ཡིད་དུ་འོང་བར་འགྱུར་བ་དེ་དེ་བཞིན་ནམ་འོན་ཏེ་མ་ཡིན། དེ་ལ་སྲུ་ཇི་སྙམ་བྱེད་ཅེས་ཟེར་ཞིང་འཁྲིག་པ་དང་ལྡན་པ། རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་
D3.005.0218a03.01མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་ཡོངས་སུ་འདྲི་བར་བྱེད་པས་སོ། །ཇི་ལྟར་རྗོད་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ། གཞོན་ནུ་མ་ལེགས་པར་སྨྲས་པ་དང་། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་
D3.005.0218a04.01ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ་འདི་སྐད་ཅེས་སྲུ་མདང་སུམ་ཁོ་བོའི་གན་དུ་སྐྱེད་མོས་ཚལ་ལམ། ལྷའི་གནས་སམ། དུས་མལ་ཆེ་གེ་མོ་ཞིག་ཏུ་བུད་མེད་དེ་ལྟ་བུ་ཞིག་དོན་དེའི་ཕྱིར་འོངས་པར་གྱུར་ནས། ཁོ་བོས་མལ་མེ་ཏོག་གིས་བཀྲམ་པ་བཤམས་ཤིང་མཚན་
D3.005.0218a05.01ཐོག་ཐག་འབྲུ་མར་གྱི་མར་མེ་བཙུགས་ནས་ཁོ་བོས་དེ་དང་ལྷན་ཅིག་བཅའ་བ་དེ་དང་དེ་ལྟ་བུ་འཆོས་ཤིང་བཟའ་བ་དེ་དང་དེ་ལྟ་བུ་ཡང་ཟོས། བཏུང་བ་དེ་དང་དེ་ལྟ་བུ་ཡང་འཐུངས་ཤིང་། ཁོ་བོས་དེ་དང་ལྷན་ཅིག་དེ་དང་དེ་ཡང་བྱས་ཏེ། སྲུ་དོན་དེའི་ཕྱིར་འོངས་པར་གྱུར་ན་ཁོ་བོས་
D3.005.0218a06.01མལ་མེ་ཏོག་གིས་བཀྲམ་པ་བཤམས་ཤིང་མཚན་ཐོག་ཐག་འབྲུ་མར་གྱི་མར་མེ་བཙུགས་ནས་ཁོ་བོས་སྲུ་དང་ལྷན་ཅིག་བཅའ་བ་དེ་དང་དེ་ལྟ་བུ་འཆོས་ཤིང་བཟའ་བ་དེ་དང་དེ་ལྟ་བུ་ཡང་ཟོས། བཏུང་བ་དེ་དང་དེ་ལྟ་བུ་ཡང་འཐུངས་ཤིང་། ཁོ་བོས་སྲུ་དང་ལྷན་ཅིག་དེ་དང་དེ་
D3.005.0218a07.01