完整藏文原文 · 德格版页 当前仅加载第 5 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་གསོན་ཞིང་བཞུགས་ཏེ་འཚོ་ཞིང་གཞེས་པ་རྣམས་ལ་ཆོས་ཉིད་ཀྱིས་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོ་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོའི་ཟླ་བ་ཉ་ལ་ཡིན་པ་དེ་
D3.005.0266a01.01བཞིན་དུ། ཉན་ཐོས་ཆེན་པོ་རྣམས་ལ་ཡང་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོའི་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོའི་ཟླ་བ་ཉ་ལའོ། །དེ་ལ་གང་དག་དབྱར་ཟླ་འབྲིང་པོའི་ཉ་ལ་དབྱར་
D3.005.0266a02.01ཉེ་བར་བསྒྲུབ་པའི་ཚེ། གདམས་ངག་མནོས་ཏེ་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དག་ཏུ་དབྱར་གནས་པར་ཁས་ལེན་པ་དེ་དག་ནི། སྟོན་ཟླ་འབྲིང་པོའི་ཟླ་བ་ཉ་ལ་ལྷགས་ནས། ཇི་ལྟར་ཐོབ་པ་ནི་རྗོད་པར་བྱེད། མ་ཐོབ་པ་ནི་
D3.005.0266a03.01ཐོབ་པར་བྱ་བའི་ཕྱིར། འོག་ཏུ་མདོ་སྡེ་དང་། འདུལ་བ་དང་། ཆོས་མངོན་པ་དེ་དག་གི་ཁ་ཏོན་དག་དང་། ཡོངས་སུ་འདྲི་བ་དག་ཚོལ་བར་བྱེད་དོ། །དེ་ནས་ཚེ་དང་ལྡན་པ་རྟ་ཐུལ་གྱི་ལྷན་ཅིག་གནས་པ་དང་། ཉེ་གནས་གང་དག་ལྗོངས་སུ་དབྱར་གནས་པར་ཁས་
D3.005.0266a04.01བླངས་པ་དེ་དག་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་། ལྷུང་བཟེད་དང་། ཆོས་གོས་ཐོགས་ཏེ་ཚེ་དང་ལྡན་པ་རྟ་ཐུལ་ག་ལ་བ་དེར་དོང་ནས་ཕྱིན་པ་དང་། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་
D3.005.0266a05.01ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་དེ་དག་ཁ་ཅིག་ནི། ཇི་ལྟར་ཐོབ་པ་རྗོད་པར་བྱེད་དོ། །ཁ་ཅིག་ནི་མདོ་སྡེ་དང་། འདུལ་བ་དང་། ཆོས་མངོན་པ་དག་གི་ཁ་ཏོན་དག་དང་། ཡོངས་སུ་འདྲི་བ་དག་
D3.005.0266a06.01ཚོལ་བར་བྱེད་དོ། །ཚེ་དང་ལྡན་པ་རྟ་ཐུལ་གྱིས་དེ་དག་གི་སྡེ་སྣོད་གསུམ་དང་བསམ་གཏན་གྱི་ལམ་ལ་སོམ་ཉི་དང་། ཡིད་གཉིས་ཡང་དག་པར་བཅད་ནས། དེ་དག་གིས་ཕན་ཚུན་སྨྲ་བར་བརྩམས་པ། ཚེ་དང་ལྡན་པ་དག་བདག་ཅག་གིས་མཁན་པོ་མཐོང་
D3.005.0266a07.01