完整藏文原文 · 德格版页 当前仅加载第 5 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ་སྙམ་པའི་བློ་སྐྱེས་སོ། །དེ་དག་བརྡ་བྱས་ཏེ་ལམ་གྱི་བར་དུ་དོང་ནས་འཁོད་པ་དང་། ཁྱེའུ་དེ་དག་ཀྱང་རྒྱན་ཐམས་ཅད་ཀྱིས་བཀླུབས་ཏེ་འོངས་ནས་ཆོམ་རྐུན་པ་དེ་དག་གིས་ཁྱེའུ་དེ་དག་ཁྱེར་རོ། །ཁྱེའུ་དེ་དག་གི་ཕྱི་བཞིན་ཁྱེའུ་མངག་གཞུག་པ་དག་འདོང་བ་དེ་དག་གིས་
D3.005.0096b01.01ཁྱེའུ་དེ་དག་ཆོམ་རྐུན་པ་དག་གིས་བརྐུས་པ་མཐོང་ནས་དེ་དག་གིས་ཁྱིམ་བདག་མགོན་མེད་ཟས་སྦྱིན་གྱི་དྲུང་དུ་བརྒྱུགས་ཏེ་སྦྲན་པ། ཁྱིམ་བདག་ཁྱོད་ཀྱི་སྲས་བུ་དག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་བརྐུས་ཀྱིས་ཐབས་དགོངས་ཤིག །ཁྱིམ་བདག་མགོན་མེད་ཟས་སྦྱིན་བརྒྱུགས་
D3.005.0096b02.01ཏེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་སོང་ནས་སྨྲས་པ། ལྷ་བདག་གི་བུ་དག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཕྲོགས་ཀྱིས་བུའི་སློང་མོ་སྩལ་དུ་གསོལ། རྒྱལ་པོ་གསལ་རྒྱལ་གྱིས་རྒྱལ་བུ་གཞོན་ནུ་འཕགས་སྐྱེས་པོ་ལ་བསྒོ་བ། སོང་ལ་ཁྱིམ་བདག་
D3.005.0096b03.01གི་བུ་རྣམས་དང་ཆོམ་རྐུན་པ་དག་མྱུར་དུ་ཁུག་ཤིག །འཕགས་སྐྱེས་པོ་ཡུན་རིང་པོ་ནས་ཁྱིམ་བདག་མགོན་མེད་ཟས་སྦྱིན་དང་ནང་དང་བཅས་པར་གྱུར་པས་དེའི་མོད་ལ་མ་སོང་ངོ་། །དེ་ནས་ལྷ་གང་དག་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་མངོན་པར་དད་པ་དེ་དག་གིས་
D3.005.0096b04.01ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་མཁྱེན་པར་མཛོད་ཅིག །ཁྱོད་ཀྱི་ཉེ་གནས་དག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཕྲོགས་ཀྱིས་བརྩོན་པར་མཛད་དུ་གསོལ། ཚེ་དང་ལྡན་པ་མཽད་གལ་གྱི་བུ་ཆེན་པོས་གལ་ཏེ་ཁྱེའུ་དག་
D3.005.0096b05.01ལ་མ་བསམས་ན། རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང་ཕ་མ་དག་ཀྱང་བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་དད་པ་དག་གིས་ཀྱང་གླགས་རྙེད་པར་འགྱུར་ཞིང་། དད་པ་རྣམས་
D3.005.0096b06.01ཀྱང་འདི་ལྟར་དོང་ངོ་ཅོག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་འཕྲོག་པར་བྱེད་ན། ཕྱིན་ཆད་སུ་ཞིག་རྒྱལ་བྱེད་ཀྱི་ཚལ་དུ་འགྲོ་བར་འགྱུར་ཞེས་གཞན་དུ་གྱུར་པ་ཉིད་དུ་འགྱུར་གྱིས་བདག་གིས་རྫུ་འཕྲུལ་རྣམ་པར་བསྟན་པར་བྱའོ་སྙམ་དུ་བསམས་ཤིང་རིག་ནས། ཚེ་དང་ལྡན་
D3.005.0096b07.01