完整藏文原文 · 德格版页 当前仅加载第 5 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཆོས་གོས་ཕྲོགས་ཏེ་སྒྲེན་མོར་བཞག་པ་དག་ཡིན་གྱིས། གལ་ཏེ་འདི་དག་ལ་བཏང་སྙོམས་བྱས་ན་ཡང་འདི་དག་གིས་བདག་ཅག་ལྷུང་བཟེད་དང་ཆོས་གོས་ཕྲོགས་ཏེ་སྒྲེན་མོར་བཞག་པར་འགྱུར་བས་འདི་དག་བསྡིགས་པར་བྱའོ་སྙམ་ནས། རྒན་ཞུགས་དེས་དལ་བུས་ཁད་
D3.005.0158b01.01ཀྱིས་ཁད་ཀྱིས་སོང་སྟེ་ཆོམ་རྐུན་པའི་དམག་དཔོན་དེའི་མགོར་གཎྜཱི་འཕངས་པ་དང་དེའི་ཀླད་པ་ཞོམ་ནས་དེ་བསྣུན་པ་དྲག་པོས་ཕོག་པས། སྡུག་བསྔལ་གྱི་ཚོར་བ་དག་གིས་ཉེན་ནས་ཚེགས་ཆེན་པོས་བབས་ཏེ་ཅུང་ཞིག་ཏུ་སོང་བ་དང་དུས་ལ་བབ་བོ། །རྒན་ཞུགས་དེས་ཆོམ་རྐུན་
D3.005.0158b02.01པ་ཆོམ་རྐུན་པ་ཞེས་ཀུ་ཅོའི་སྒྲ་ཕྱུང་བ་དང་། དགེ་སློང་རྣམས་ཀྱིས་ཆོས་ཉན་པ་བཅད་དེ། ཁང་སྟེང་དུ་འཛེགས་ནས་སྨྲས་པ། ཆོམ་རྐུན་པ་དེ་དག་གར་དོང་རྒན་ཞུགས་ཀྱིས་སྨྲས་པ། ཕྱོགས་འདིར་ཡ་གད་བཙུགས་ཏེ་འཛེགས་པ་ན་ཁོ་བོས་བསྡིགས་ནས་བྱེར་རོ། །དགེ་སློང་
D3.005.0158b03.01རྣམས་ཀྱིས་སྨྲས་པ། གལ་ཏེ་བྱེར་ན་ལེགས་སོ་ཞེས་དེ་དག་བབས་ཏེ། ཇི་ཙམ་ན་མཚན་མོ་ནམ་ནངས་པ་དང་། གཙུག་ལག་ཁང་གི་ཉེན་ཀོར་སོ་སོར་བརྟགས་པར་བརྩམས་ཏེ། ཆོམ་རྐུན་པ་དེ་དག་འཛེགས་པར་གྱུར་པའི་ཕྱོགས་དེ་གང་ཡིན་ཞེས་དེ་དག་གིས་སོ་སོར་བརྟགས་
D3.005.0158b04.01པ་ན་ཁྲག་མཐོང་ངོ་། །དེ་དག་ཁྲག་རྗེས་སུ་དོང་བ་དང་ཆོམ་རྐུན་པའི་དམག་དཔོན་བསད་པ་མཐོང་ངོ་། །མཐོང་ནས་ཀྱང་བསླབ་པ་འཁྲུགས་པའི་འཇིགས་པས་སྐྲག་སྟེ་སྨྲ་བར་བརྩམས་པ། ཚེ་དང་ལྡན་པ་དག་བདག་ཅག་སྔོན་མ་བཅོམ་གྱི་བདག་ཅག་གང་གིས་ཕམ་པར་གྱུར་པའི་
D3.005.0158b05.01ལྟུང་བ་བྱུང་བས་ད་ནི་བཅོམ་པར་གྱུར་ཏོ་ཞེས་དེ་དག་འགྱོད་པ་སྐྱེས་པའི་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ལ་ནི་ལྟུང་བ་མེད་དེ། ཡང་དགེ་སློང་གིས་ཅི་ནས་ཀྱང་འདི་ལ་བསྣུན་པས་བསྣུན་པར་བྱའོ་
D3.005.0158b06.01སྙམ་པ་དེ་ལྟ་བུའི་སེམས་ཀྱིས་འཕངས་པར་མི་བྱ་བར་འདི་ལྟར་གློའམ་རྒྱབ་ལོགས་སུ་འཕང་བར་བྱ་ཞིང་བསྡིགས་པ་བསྐྱེད་པའི་ཕྱིར་ཚམ་ངམ་བྱའོ། །དགེ་སློང་གིས་ཅི་ནས་ཀྱང་བསྣུན་པས་བསྣུན་པར་བྱའོ་སྙམ་པ་དེ་ལྟ་བུའི་སེམས་ཀྱིས་འཕེན་པར་བྱེད་ན་འགལ་ཚབས་ཅན་དུ་འགྱུར་རོ། །
D3.005.0158b07.01