完整藏文原文 · 德格版页 当前仅加载第 5 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
རྩུབ་པ། ཚ་བ། ཡིད་དུ་མི་འོང་བ་དག་ཉམས་སུ་མྱོང་བར་འགྱུར་རོ་ཞེས་སྨྲས་པ་ན། ནད་པ་དེ་དགེ་སློང་དེ་ལ་འདི་སྐད་ཅེས་ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ་ཚེ་དང་ལྡན་པ་ཚུར་ཤོག །ཁྱོད་ཀྱིས་བདག་ཉིད་ཐོང་ཤིག །བདག་ཉིད་སོད་ཅིག །བདག་ཉིད་སྲོག་དང་བྲལ་བར་བྱེད་དུ་
D3.005.0138b01.01ཆུག་ཤིག་ཅེས་སྨྲས་ནས། གལ་ཏེ་ནད་པ་དེ་བདག་ཉིད་གཏོང་བར་བྱེད་དམ། བདག་ཉིད་གསོད་པར་བྱེད་དམ། བདག་ཉིད་སྲོག་དང་བྲལ་བར་བྱེད་དུ་འཇུད་ན་དགེ་སློང་དེ་ཕམ་པར་འགྱུར་རོ། །གལ་ཏེ་ནད་པ་དེ་འདི་སྙམ་དུ་དེ་ལྟ་ཡིན་ནོ་སྙམ་མོད་ཀྱི། འོན་ཀྱང་འདི་སྐད་ཅེས་ཁོ་བོ་བདག་ཉིད་
D3.005.0138b02.01མི་གཏོང་ངོ་། །ཁོ་བོ་བདག་ཉིད་མི་གསོད་དོ། །ཁོ་བོ་བདག་ཉིད་སྲོག་དང་བྲལ་བར་བྱེད་དུ་མི་འཇུད་དོ་ཞེས་ཟེར་ཞིང་། གལ་ཏེ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུད་ན་དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་
D3.005.0138b03.01པོར་འགྱུར་རོ། །གལ་ཏེ་དགེ་སློང་དེ་དེ་སྐད་སྨྲས་ནས་འགྱོད་པར་གྱུར་ཅིང་དེ་ནད་པ་དེའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཤེས་པར་གྱིས་ཤིག །འདི་ལྟ་སྟེ། བྱིས་པ། བླུན་པ། མི་གསལ་བ། མི་མཁས་པ་བདག་གིས་ཏེ་པོར་གྱ་ཙོམ་དང་། བྱུང་རྒྱལ་གྱིས་སོ་སོར་མ་བརྟགས་པར་ཚིག་
D3.005.0138b04.01སྨྲས་ཏེ། འདི་ལྟར་ཚེ་དང་ལྡན་པས་དགེ་བའི་བཤེས་གཉེན་འགའ་ཞིག་མགུ་བར་བྱས་ཏེ་དེས་ཁྱོད་ལ་སྨན་མཐུན་པ་དང་། འཕྲོད་པ་དག་དང་། ཟས་སོ་སོར་བསྟེན་པར་བྱ་བ་དག་དང་། ནད་གཡོག་ཚུལ་དང་མཐུན་པ་དག་གིས་བསྙེན་བཀུར་བྱེད་པར་འགྱུར་ཏེ། དེ་ལྟར་ན་ཚེ་དང་ལྡན་པ་ཡུན་མི་རིང་བ་
D3.005.0138b05.01ཁོ་ནར་བདེ་བ་དང་། ནད་མེད་པ་དང་། སྟོབས་དང་ལྡན་པ་དང་། གང་དུ་དགའ་བར་འགྲོ་བར་འགྱུར་རོ་ཞེས་སྨྲས་པ་ན། གལ་ཏེ་ནད་པ་དེ་དགེ་སློང་དེ་ལ་འདི་སྐད་ཅེས་ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ་དགེ་སློང་དེས་འདི་སྐད་ཅེས་ཚེ་དང་ལྡན་པ་ཁྱོད་བདག་ཉིད་མ་གཏོང་ཤིག །
D3.005.0138b06.01བདག་ཉིད་མ་གསོད་ཅིག །བདག་ཉིད་སྲོག་དང་བྲལ་བར་བྱེད་དུ་མ་འཇུད་ཅིག་ཅེས་སྨྲས་ནས། གལ་ཏེ་ནད་པ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུད་ཀྱང་། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །
D3.005.0138b07.01